اسلا م آباد : شوگر مافیا کو اربوں روپے سبسڈی دینے بارے متعلقہ دستاویزات وزارت خزانہ سے غائب ہوگئی ہیں‘ وزیر خزانہ اسحاق ڈار نے اپنے چار سالہ دور میں اربوں روپے شوگر مافیا کو دے چکے ہیں۔ یہ اربوں روپے شوگر مافیا کو چینی برآمد کرنے پر دیئے گئے ہیں۔

پشاور/کوئٹہ: عوامی نیشنل پارٹی کے سربراہ اسفندیار ولی خان نے پشین سٹاپ بم دھماکے کی شدید الفاظ میں مذمت کرتے ہوئے متاثرہ خاندانوں سے دلی تعزیت کااظہار کیا ہے اور اس بات کی ضرورت پر زور دیا ہے کہ نیشنل ایکشن پلان پر اس کی اصل روح کے مطابق عملدرآمد یقینی بناتے ہوئے دہشت گردی و انتہا پسندی کے سدباب کے لئے موثر اقدامات اٹھائے جائیں ۔

راولپنڈی: آرمی چیف جنرل قمر جاوید باجوہ کوئٹہ پہنچ گئے جہاں وہ گزشتہ روز سیکیورٹی فورسز پر ہونے والے خود کش حملے کے زخمیوں کی عیادت کریں گے۔

کوئٹہ : پبلک اکاؤنٹس کمیٹی کے چیئرمین رکن صوبائی اسمبلی مجید خان اچکزئی کے ترجمان نے کہا ہے کہ پشتونخواملی عوامی پارٹی نے ہمیشہ ڈکٹیٹروں کے دور میں آزاد عدلیہ اور آزاد میڈیا کے لئے جدوجہد کی مگر آج وہی میڈیا اور عدلیہ جمہوریت کے خلاف سازشوں میں مصروف ہے ۔

کوئٹہ: پاکستان تحریک انصاف بلوچستان کے صوبائی صدر سردار یار محمد رند نے کوئٹہ میں ہونے والے بم دھماکے کی شدید مذمت کرتے ہوئے کہاہے کہ دہشت گردوں نے ایک دفعہ پھر بلوچستان کو خون میں نہلا دیا ہے جس میں بے گناہوں کی شہادت کی ہم شدید مذمت کرتے ہیں صوبائی حکومت امن و امان کی صورتحال کنٹرول کرنے میں بری طرح ناکام ہوچکی ہے ۔

راولپنڈی : آرمی چیف جنرل قمر جاوید باجوہ نے کہا کہ دہشتگرد حملوں سے ہمارے حوصلے پست نہیں کر سکتے اور ہمارا عزم کسی بھی چیلنج سے کمزور نہیں ہو سکتا۔، حملہ آزادی کے جشن کو متاثر کرنے کی کوشش ہے۔

کراچی: وزیراعظم شاہد خاقان عباسی نے مزار قائد پرحاضری دی ہے اور بابائے قوم کے ایصال ثواب کے لیے فاتحہ خوانی کی ۔

کوئٹہ : پبلک اکاؤنٹس کمیٹی کے چیئرمین رکن صوبائی اسمبلی مجید خان اچکزئی نے کہا ہے کہ ہم نے میڈیا اور عدلیہ کی آزادی کیلئے جنگ لڑی تھی آج میڈیا اور عدلیہ جو جمہوریت پر حملہ آور ہے مارشل لاء اور ڈکٹیٹروں کے دور میں میڈیا کو ایسے آزادی ملی تھی مجھ پر ایکسڈنٹ کا کیس ہے مگر دو مہینوں سے دہشتگردی اور اغواء برائے تاوان کے کیسز میں پیش ہو رہا ہے۔

کوئٹہ: مسلم لیگ (ن) کے صوبائی صدر وزیراعلیٰ بلوچستان نواب ثناء اللہ خان زہری نے کہاہے کہ سابق وزیراعظم محمدنوازشریف کی اسلام آباد سے لاہورریلی جمہوریت کا کارواں ہے جو قوم کو اپنی منزل تک پہنچائے گا،عوام کا ٹھاٹھیں مارتا سمندر اپنے رہنما کی ایک جھلک دیکھنے کیلئے سڑکوں پراُمنڈآیاہے قوم دل وجان سے محمدنوازشریف کے ساتھ ہے ریلی کے خلاف منفی پروپیگنڈہ بیمار ذہنیت کی عکاسی کرتاہے۔

اسلام آباد : ملک بھر میں غیر رجسٹرڈ افغان باشندوں کی رجسٹریشن کا آغاز 16اگست سے شروع کیاجارہا ہے ایک اندازے کے مطابق اس وقت پاکستان میں چھ لاکھ سے دس لاکھ تک افغان باشندے غیر قانونی طور پر رہائش پذیر ہیں ۔