چاغی : چاغی بازار لشکراب چوک پر بارڈرز کی بندش کے خلاف ، احتجاج اور مظاہرہ چاغی کے معتبرین مولوی ضیاء الرحمن ، سید حکیم شاہ بلانوشی، حاجی درویش بلانوشی،سید غلام دستگیر بلا نوشی ، عطاء الرحمن بڑیچ،سردار ابراہیم سمالانی ،حاجی رحمدل لانگو,سردار علی دوست مینگل ،سید مہیم داد بلانوشی کے قیادت میں چاغی بازار لشکراب چوک پر احتجاج اور مظاہرہ ،چاغی لشکراب چوک پر مظاہرین سے مولوی ضیاء الرحمن نے خطاب کرتے ہوئے کہا کہ چاغی بارڈر نور وہاب کے بندش سے سرحدی علاقوں میں بسنے والے رہائشی نان شبینہ کے محتاج بن گئے ہیں کاروبار ٹھپ ہوکر رہ گئی ہیں انہوں نے کہا کہ نور وہاب گیٹ پاک افغان سرحد پر واقع ہیں گزشتہ ایک سال سے بارڈر بند ہونے کی وجہ سے چاغی کے عوام سخت پریشان ہیں
اسلام آباد: سعودی عرب سے 3 کھرب 33 ارب روپے کی تیل سہولت پر عالمی مالیاتی ادارے (آئی ایم ایف) نے خدشات ظاہر کرتے ہوئے کہا کہ سعودی عرب تیل سہولت پر عملدرآمد کو ریکوڈک سے جوڑ سکتا ہے۔
لندن: جے یو آئی (ف) کے سربراہ مولانا فضل الرحمان نے کہا ہےکہ کسی سیاستدان کو قید کرنے کے حق میں نہیں اور بانی پی ٹی آئی کی رہائی کی کوششوں میں میراکوئی کردارنہیں ہے۔
ترجمان دفتر خارجہ ممتاز زہرہ بلوچ نے چین کی جانب سے اپنی سیکیورٹی ٹیمز پاکستان بھیجنے کے معاملے پر رد عمل دیتے ہوئے کہا کہ میڈیا پر چلنے والی خبریں قیاس آرائیوں پر مبنی ہیں، پاک-چین دوستی کو ان قیاس آرائیوں سے خراب نہیں کیا جاسکتا ہے۔
دفتر خارجہ کی ترجمان ممتاز زہرہ بلوچ نے ہفتہ وار بریفنگ کے دوران چین کی جانب سے پاکستان میں کام کرنے والے چینی شہریوں کی سیکیورٹی کے لیے اپنی ٹیمیں بھیجنے کے معاملے کی تردید کردی۔
انہوں نے کہا کہ میڈیا پر چلنے والی خبریں قیاس آرائیوں پر مبنی ہے، پاکستان اور چین کے درمیان انسداد دہشتگردی اور چینی شہریوں کے تحفظ پر ڈائیلاگ ہوتے رہتے ہیں۔
ان کا کہنا تھا کہ پاکستان ہر قسم کے خطرات سے نمٹنے کی صلاحیت رکھتا ہے اور چینی شہریوں اور اداروں کا ہر قیمت پر تحفظ کرے گا جب کہ ہم پاکستان اور چین کی دوستی کو خراب کرنے کی اجازت نہیں دیں گے۔
خواجہ آصف کے معاملے پر ردعمل
ترجمان دفتر خارجہ نے لندن میں سابق چیف جسٹس قاضی فائز عیسیٰ اور وزیر دفاع خواجہ آصف کے ساتھ ہونے والے واقعے پر رد عمل دیتے ہوئے کہا کہ کسی پاکستانی شہری کے ساتھ بدتہذیبی قابل قبول نہیں۔
انہوں نے کہا کہ خواجہ آصف کو دھمکیوں اور گالیوں کی مذمت کرتے ہیں جب کہ سابق چیف جسٹس کے معاملے پر پاکستانی ہائی کمیشن مقامی اتھارٹیز کے ساتھ رابطے میں ہیں۔
گزشتہ روز وزیر دفاع خواجہ آصف سے لندن میں پبلک ٹرانسپورٹ میں سفر کرنے کے دوران بدتمیزی کا واقعہ پیش آیا تھا، جس کی ویڈیو سوشل میڈیا پر وائرل ہوئی تھی۔
وائرل ویڈیو میں بظاہر وہ کسی کو نظر انداز کرنے کی کوشش کررہے ہیں، جب کہ ویڈیو بنانے والا مسلسل ان کے ساتھ بدتمیزی کررہا تھا اور دھمکیاں بھی دے رہا تھا۔
’افغانستان پاکستانی عوام کی برداشت کو زیادہ مت آزمائے‘
ترجمان دفتر خارجہ نے افغانستان سے دراندازی کے معاملے پر بات کرتے ہوئے کہا کہ افغان انتظامیہ پاکستان کے تحفظات کوسنجیدگی سے لے، افغان انتظامیہ پاکستان کے خلاف ہونے حملوں کی تحقیقات کرے۔
انہوں نے کہا کہ افغان انتظامیہ کو دہشت گرد گروہوں کے خلاف کارروائی پر زور دیتے ہیں، خاص طور پر جن گروہوں کی افغانستان میں محفوظ پناہ گاہیں موجود ہیں، افغانستان پاکستانی عوام کی برداشت کو زیادہ مت آزمائے۔
ایک سوال کے جواب میں ممتاز زہرہ بلوچ نے کہا کہ پاکستان دیگر ممالک میں ان کی انتظامیہ میں تقرریوں پر کسی قسم کا تبصرہ نہیں کرتا، پاکستان نئی امریکی انتظامیہ سے اچھے تعلقات کا خواہشمند ہے۔
پاکستان میں اگلے سال شیڈول آئی سی سی چیمپئنز ٹرافی سے متعلق پوچھے گئے سوال پر انہوں نے کہا کہ پاکستان کرکٹ بورڈ چیمپئنز ٹرافی کے معاملے پر انٹرنیشنل کرکٹ کونسل سے رابطے میں ہے۔
واضح رہے کہ گزشتہ روز غیر ملکی خبررساں ادارے ’رائٹرز‘ نے ایک رپورٹ میں کہا تھا کہ گزشتہ ماہ کراچی ایئرپورٹ کے قریب چینی انجینئرز پر ہونے والے حملے کو چین نے ایک بڑی سیکیورٹی ناکامی قرار دیا تھا۔
رپورٹ کے مطابق بیجنگ نے اپنے شہریوں پر حملے روکنے میں ناکامی پر سخت ناراضی کا اظہار کیا تھا اور پاکستان پر مشترکہ سیکیورٹی مینجمنٹ سسٹم کے لیے مذاکرات پر زور دیا۔
مذاکرات میں شریک ایک سرکاری اہلکار نے بتایا کہ چین نے ایک بار پھر پاکستان میں اپنی فورس تعینات کرنے پر زور دیا ہے تاہم اسلام آباد نے اب تک اس پر اتفاق نہیں کیا۔
تاہم مذاکرات کے حوالے سے چین یا پاکستان کی جانب سے کوئی باضابطہ بیان جاری نہیں کیا گیا۔ چینی وزارتِ خارجہ کے ترجمان نے ’رائٹرز‘ کو بتایا کہ وہ مذاکرات سے لاعلم ہیں تاہم پاکستان میں چین کے منصوبوں، اداروں اور شہریوں کی سیکیورٹی کے لیے اسلام آباد کے ساتھ تعاون جاری رکھیں گے۔
گزشتہ ہفتے پاکستان کی وزارتِ داخلہ کی جانب سے جاری ہونے والے ایک بیان میں کہا گیا تھا کہ دونوں ممالک نے مستقبل میں اس قسم کے حملے روکنے کے لیے مشترکہ حکمتِ عملی پر اتفاق کیا ہے۔
کوئٹہ، : کمشنر کوئٹہ ڈویڑن حمزہ شفقات نے کہا ہے کہ کوئٹہ شہر کے روایتی حسن اور خوبصورتی کی بحالی کے لیے ہر ممکن اقدامات اٹھائے جا رہے ہیں، حکومت کے ساتھ ساتھ شہریوں کی بھی اجتماعی ذمہ داری بنتی ہے کہ وہ کوئٹہ صفا مہم میں بھرپور تعاون کریں۔
کوئٹہ: وزیراعلیٰ بلوچستان میر سرفراز بگٹی کی زیر صدارت پبلک سیکٹر کمپنیوں کی کارکردگی پر پیشرفت سے متعلق جائزہ اجلاس یہاں وزیراعلیٰ سیکرٹیریٹ میں منعقد ہوا۔
کوئٹہ: بلوچستان حکومت نے امن وامان کی صورتحال کے پیش نظر سبی میں ہونے والے ضمنی الیکشن میں فوج اور ایف سی کی تعیناتی اور 17نومبر کوسبی اور کچھی میں موبائل سروس بند رکھنے کی درخواست کردی ۔
کوئٹہ : سوئی سدرن گیس کمپنی کے جنرل منیجر فاروق احمد خان ، ریجنل منیجر وحید جمانی ترجمان سلمان صدیقی ، علماء کرام ،حبیب اللہ شاہ چشتی، مولانا عبدالسمیع آغا، پروفیسر قاری ارشد یامین، علامہ ہاشم موسوی ، کوئٹہ پریس کلب کے صدر عبدالخالق رند، بی یو جے کے جنرل سیکرٹری عبدالشکور سمیت دیگر نے کہا کہ گیس قدرتی نعمت ہے اس کے ضیاع کو روک کر صارفین مالی اور جانی نقصان سے بچ سکتے ہیں۔
