ترجمان ایرانی فوج کے مطابق بحری جہاز کے خلاف جارحیت کا جواب دینے کیلئے تیار ہیں۔

 دوسری جانب ٹریکنگ ڈیٹا کے مطابق آبنائے ہرمز پر سمندری آمدورفت تعلطل کا شکار ہے، کسی آئل ٹینکر نے آج آبنائے ہرمز کو عبور نہیں کیا، صرف 2 ٹینکرز آبنائے ہرمز کے راستے خلیج فارس میں داخل ہوئے، آبنائے عبور کرنے والا ایک ایل پی جی اور دوسرا کیمیکل ٹینکر تھا۔

ترجمان ایرانی وزارت خارجہ اسماعیل بقائی کا کہنا ہے امریکا سے دوسرے دور کے مذاکرات کے لیے ایرانی وفد پاکستان نہیں جائےگا، ایران کا مذاکرات کے دوسرے دور میں شرکت کا کوئی ارادہ نہیں ہے۔

ترک وزیر خارجہ حاقان فیدان کا کہنا ہے ایران امریکا مذاکرات تقریباً مکمل ہو چکے ہیں،  ابھی بھی چنداختلافات ہیں، جنگ بندی میں توسیع کی ضرورت ہے۔

انڈین وزارت خارجہ نے سنیچر کے روز انڈیا میں تعینات ایرانی سفیر محمد فتح علی کو طلب کیا اور ایرانی پاسداران انقلاب کی جانب سے فائرنگ کے واقعے کے بعد آبنائے ہرمز میں انڈین کے پرچم والے دو بحری جہازوں کو راستہ تبدیل کرنے پر مجبور کرنے کے بعد سخت احتجاج ریکارڈ کرایا۔

امریکی صدر ڈونلڈ ٹرمپ نے خبردار کیا کہ اگر 22 اپریل تک مذاکرات کے نتیجے میں کوئی حتمی معاہدہ نہ ہوا تو ایران کے ساتھ عارضی جنگ بندی میں توسیع نہیں ہوسکتی۔

 ایرانی سپریم لیڈر مجتبیٰ خامنہ ای کا کہنا ہے کہ ایران کی بحریہ دشمنوں پر نئے نقصانات پہنچانے کیلئے تیار ہے۔

برطانوی وزیر اعظم کیر سٹارمر اب سے کچھ دیر پہلے پیرس میں ایلیزے پیلس پہنچے ہیں، اور فرانس کے صدر ایمانوئل میخواں سے ملاقات سے چند لمحے قبل انھوں نے زور دے کر کہا کہ وہ ایران کی جنگ کے عوام پر پڑنے والے اثرات کو کم کرنے اور آبنائے ہرمز کو دوبارہ کھولنے کے لیے ’جو کچھ بھی ممکن ہوا کریں گے‘۔

امریکا نے ایران جانے والے بحری جہازوں کی تلاشی لینے کا باضابطہ اعلان کر دیا ہے، جس کا مقصد اسلحہ، گولہ بارود اور ممکنہ ایٹمی مواد کی ترسیل کو روکنا بتایا گیا ہے۔

امریکی صدر ڈونلڈ ٹرمپ کا کہنا ہے کہ ویتنام اور افغانستان جنگ میں 18 سال لگے، ایران جنگ 2 ماہ میں ختم ہورہی ہے۔