پاکستان میں عالمی وبا کورونا وائرس سے مزید 26 افراد جاں بحق ہوگئے جبکہ مجموعی اموات کی تعداد28 ہزار 58 ہو گئی ہے۔نیشنل کمانڈ اینڈ آپریشن سینٹر (این سی او سی) کی جانب سے جاری تازہ اعدادو شمار کے مطابق گزشتہ 24 گھنٹوں کے دوران ملک بھر میں مزید912 کورونا کیسز رپورٹ ہوئے۔ ملک میں کورونا کیسز کی مجموعی تعداد 12 لاکھ 56 ہزار233 ہوگئی۔

وفاقی وزیراطلاعات فواد چودھری کا کہنا ہے کہ پاکستان کی معاشی مشکلات زرداری اورنواز شریف کے 10سال کا تحفہ ہیں۔انہوں نے کہا کہ 12 ارب ڈالر کا قرضہ اور سود واپس نہ کرنا ہوتا تو یہ پیسہ تیل اوربجلی کو سبسڈی میں استعمال ہوتا۔ہمیں قرضہ واپس نہ کرنا ہوتا تو دنیا میں قیمتوں میں اضافے کے رجحان سے بچ جاتے۔

وزیرداخلہ شیخ رشید نے کہا کہ ن لیگ کو 2 نہیں اب 3 گروپس میں دیکھ رہا ہوں۔ الیکشن کےقریب ن لیگ کی نئی الائنمنٹ ہوگی۔راولپنڈی میں پریس کانفرنس کرتے ہوئے ان کا کہنا تھا کہ ملکی اداروں کے خلاف بیان بازی کرنےوالوں کے ہاتھ کچھ نہیں آئے گا۔ اداروں کے خلاف زبان استعمال کرنےوالے منہ کے بل گریں گے۔

کراچی:  نیشنل پارٹی سندھ وحدت کا اجلاس زیر صدارت وحدت صدر تاج مری کراچی میں منعقد ہوا اجلاس میں مرکزی سیکریٹری جنرل جان محمد بلیدی نے خصوصی طورپر شرکت کی اجلاس میں اکتوبر کے آخری ہفتے میں کوئٹہ میں منعقد ہونے والی نیشنل کانگریس میں شرکت کے لیے سندھ وحدت سے شرکت کرنے والے کونسلرز کی فہرست کو مرتب کیاگیا۔

اسلام آباد: کابینہ کی اقتصادی رابطہ کمیٹی (ای سی سی) نے سوہنی دھرتی ریمی ٹینس پروگرام کی منظوری دے دی جس کے تحت قانونی اور بینکنگ ذرائع سے ترسیلات زر ارسال کرنے والے بیرون ملک مقیم پاکستانیوں کو ان کی ترسیلات پر مراعات اور ترغیبات دی جائیں گی۔

وزیر اعظم عمران خان کا کہنا ہے کہ اگلا الیکشن ہر صورت میں ووٹنگ مشین سے ہوگا، اوورسیز تیار رہیں، ان کو ووٹ کا حق لے کر دیں گے۔

پاکستان مسلم لیگ (ن) کے صدر اور قائد حزب اختلاف شہباز شریف نے ایل این جی کی قیمتوں میں اضافے اور ملک میں توانائی کی ممکنہ قلت کے خطرات پر اظہار تشویش کیا ہے۔

وفاقی وزیر فواد چوہدری کا کہنا ہے کہ نیوزی لینڈ ٹیم پاکستان آنا چاہ رہی ہے، ٹیم کا دورہ ری شیڈول ہونے پر بات چیت ہورہی ہے، کرکٹ ورلڈ پاکستان کے ساتھ ہے۔

وزیراعظم عمران خان کا دورہ متحدہ عرب امارات (یو اے ای) کی ریاست دبئی کا دورہ ملتوی ہو گیا۔

وزیر اعظم عمران خان کے مشیر تجارت عبدالرزاق داؤد نے کہا ہے کہ ’میک ان پاکستان‘ کے مثبت نتائج سامنے آرہے ہیں۔