کوئٹہ: حکومت نے تعلیمی اداروں میں احتیاطی تدابیر(ایس او پیز)کے نفاذ کو یقینی بنانے کیلئے کمیٹیاں تشکیل دیدی۔ صوبہ بھر کے تمام اسکولوں میں ایس او پیز اور ٹیسٹنگ حکمت عملی کے نفاذ کیلئے ضلعی سطح پر تین رکنی کمیٹیاں تشکیل دی گئیں۔ صوبے میں سرکاری سطح پر چلنے والے تقریباََ14ہزار پرائمری،مڈل اور ہائی سکولوں میں COVID-19 سے نمٹنے کیلئے ڈپٹی کمشنر،ڈسٹرکٹ ایجوکیشن آفیسر، ڈسٹرکٹ ہیلتھ آفیسر کمیٹی کے ممبر کی حیثیت سے فرائض سرانجام دیں گے۔

کوئٹہ: پاکستان ریلویز کا کوئٹہ ڈویژن ملازمین کی قلت کا شکار ہوگیا 267 گینگ مینوں میں سے صرف 57اہلکار تیرہ سو کلومیٹر ٹریک کی دیکھ بھال کیلئے تعینات ہیں انجن ڈرائیورز کی کمی کو پورا کرنے کیلئے ریٹائرڈ ہونے والے ڈرائیور کو تین سال کے کنٹریکٹ پر دوبارہ رکھا لیا گیا کوئٹہ سبی سیکشن پر انگریز دور کے بنے دس سے زائد ریلوے اسٹیشن بند کردئیے گئے۔

خاران: چیف جسٹس فیڈرل شریعت کورٹ آف پاکستان محمد نور مسکانزئی نے کہاکہ معاشرے میں انصاف کی فراہمی اور قانون کی بالادستی میں بینچ کے ساتھ بار کابھی اہم کردار ہے خاران بار کے خدمات قابل تحسین ہیں۔

خضدار: نیشنل پارٹی ضلع خضدار کے اعلامیہ کے مطابق نیشنل پارٹی کے زیر اہتمام 27ستمبر 2020کو نیشنل پارٹی کے قائد میر جمہوریت میر حاصل خان بزنجو کی چہلم کی مناسبت سے آبائی گاؤں نال میں عظیم الشان جلسہ ہوگا۔

کوئٹہ: بلوچستان نیشنل پارٹی کے مرکزی رہنماء سابق ایم این اے ممنرسینئرل کمیٹی میررؤف مینگل وچیئرمین جاویدبلوچ نے بلوچستان حکومت کی محسن داوڑ کوایئرپورٹ سے واپس کرکے داخل ہونے کی اجازت نہ دیناآمریت سے بدتررویہ ہے جس کی اجازت بلوچستان کی قومی روایات انسانی حصول زندگی سیاسی ضابطہ اخلاق اورنہ کسی مہذب معاشرے دے سکتاہے۔

کوئٹہ: محکمہ فشریز کی ضلع جعفرآباد میں غیر قانونی فشنگ کے خلاف گرینڈ آپریشن میں متعددبڑے جال اور پٹے قبضے میں لے لئے گے۔طاہر اسسٹنٹ ڈائریکٹر فشریزلکھمی چند اور تاج محمد بگٹی عرف تاجل فقیر کوخفیہ اطلاعات ملی تھیں کہ چند نامعلوم عناصر ضلع جعفر آباد کے نہروں میں غیر قانونی مچھلی کا شکار کررہے ہیں۔

زیارت: پشتونخواملی عوامی پارٹی کے مرکزی وصوبائی سیکرٹری عبدالرحیم زیارتوال اور ضلعی زیارت کے سیکرٹری عبدالغفور نے کہا ہے کہ سویلین اتھارٹی کو ختم کرنے کا مقصد عوام کے وسائل پر قبضہ کرنا ہے، منشیات کی فروغ میں اضافہ قابل تشویش اور انتہائی خطرناک ہے،زیارت کے عوام کو ہر قسم کی ترقی وخوشحالی سے محروم رکھ کر انہیں مسائلستان میں دھکیلا جارہا ہے۔

کوئٹہ:  گورنربلوچستان امان اللہ یاسین زئی نے کہا ہے کہ بولان یونیورسٹی آف میڈیکل اینڈ ہیلتھ سائنسز کے امور و معاملات کو خوش اسلوبی سے چلانے کیلئے مروجہ قواعد و ضوابط پر عملدرآمد اشد ضروری ہے. حقوق اور فرائض کے درمیان باہمی ربط پایا جاتا ہے اور اپنے فرائض کی ادائیگی ہی دراصل دوسروں کے حقوق کی پاسداری کا باعث بنتا ہے۔

تربت: نیشنل پارٹی ضلع کیچ کے ترجمان نے محکمہ لوکل گورنمنٹ کی جانب سے ڈیلی ویجز ملازمین کو فارغ کرنے کی شدید الفاظ میں مذمت کرتے ہوئے مطالبہ کیاکہ انہیں فوری طورپر بحال کیاجائے بصورت دیگر نیشنل پارٹی احتجاج کا راستہ اختیارکرنے پرمجبورہوجائے گی، انہوں نے کہاکہ انتہائی افسوس کامقام ہے کہ کرونا عالمی وباء کے پیش نظر غریب طبقہ پہلے ہی سے تباہ حال اورپریشانیوں سے دوچار تھا ان کے چولہے بند ہوگئے تھے۔

کوئٹہ: بلوچ اسٹوڈنٹس ایکشن کمیٹی کی مرکزی ترجمان نے اپنے جاری کرہ بیان میں بولان میڈیکل کالج ایکٹ میں ترمیم کے لئے بھوک ہڑتالی کیمپ پر بیٹھے طلباء اور ملازمین کی صحت اور حکومت کی غیر سنجیدگی پر سخت تشویش کا اظہار کرتے ہوئے کہا کہ اپنے آئینی حق کے لئے جدوجہد کرنے والے طلباء کے صحت کو خطرات لاحق ہے۔ بولان میڈیکل کالج کے طلباء جہاں گزشتہ سال سے اپنے جمہوری حق کے لئے احتجاج کرتے آرہے ہے وہیں۔