سبی: جمعیت علماء اسلام پاکستان کے مرکزی امیر و سابق سینیٹر مولانا محمد خان شیرانی نے کہا ہے کہ سینیٹ الیکشن کے نتائج کے بعد وزیراعظم کو اعتماد کا ووٹ لینا چاہیے،سینیٹ الیکشن میں پیسہ اور پارٹی ٹکٹ کی لالچ نے منتخب نمائندوں کے ایمان کو ڈگمگایا،چئیرمین سینیٹ کے لیے حکومتی امیدوار صادق سنجرانی کی شکست نظرآرہی ہے،پاکستان میں جمہوریت صرف نام کی ہے۔
سوراب: کوئٹہ کراچی قومی شاہراہ نغاڑ کے مقام پر کراچی سے کوئٹہ جانے والے ویگوتیز رفتاری کے باعث حادثے کاشکار ہوکر الٹ گئی جس کے نتیجے میں ایک بچہ سمیت دو افراد جان بحق ہوگئے۔
خضدار: بلوچستان نیشنل پارٹی کے ضلعی زیرِ اہتمام کے 2 مارچ بلوچ ثقافتی دن لاپتہ افراد اور بلوچ شہداء کے لواحقین کے ساتھ سادگی سے منایاگیا۔ بلوچستان نیشنل پارٹی کے ضلعی صدر شفیق الرحمان ساسولی کی قیادت میں بی این پی کے ضلعی آفس سے نکالی گئی جو مختلف راستوں سے ہوتی ہوئی پریس کلب پہنچی ریلی میں بی این پی اور بی ایس او کے مرکزی و ضلعی مختلف مکاتب فکر سے تعلق رکھنے والے شہری بھی شریک تھے۔
سبی: دو سال قبل سات مسلح افراد نے میرے گھر پر حملہ کر کے میری بیوی کو قتل اور بیٹے کو زخمی کر دیا ،لیویز نے تین ملزمان کو گرفتار کیا تھا جبکہ چار ملزم تاحال گرفتار نہ ہو سکے ،قتل میں ملوث مرکزی ملزمان سر عام گھوم رہے ہیں لیویز ملزمان کو گرفتار کر کے مجھے انصاف فراہم کریں ،انصاف کے حصول کے لئے کوڑا خان جت اپنے کمسن بیٹے کے ہمراہ صحافیوں کے پاس پہنچ گئے۔
دالبندین: وزیر مواصلات و تعمیرات میر محمد عارف محمد حسنی نے اپنے ایک بیان میں کہا کہ دالبندین پولیس چیک پر مسلسل اطلاعات آرہی ہے کہ وہ گاڑیوں سے بھتہ لے رہے اور لوگوں کو ناجائز تنگ کررہے ہے کچھ مہینے پہلے دالبندین مغربی ساہیڈ پر ایک چیک پوسٹ بنایاگیا تھا جس سے ایک رات میں لاکھوں روپے جمع کیاجارہا تھا اسکے خلاف میں نے سخت ایکشن لیا۔
ڈھاڈر: چیف آف بنگلزئی سابق ایم این اے سردارکمال خان بنگلزئی کی موجودگی میں ڈھاڈر کے نواحی گاؤں مشکاف میں مرحوم رئیس چاکر خان بنگلزئی کے فرزند بہرام خان پغ بنگلزئی کی بحیثیت اپنے طائفہ کے ”رئیس ”دستار بندی کی گئی دستار بندی کی۔
مستونگ: شہر میں چوری کی وارداتوں میں ایک بار پھر سے اضافہ دکانداروں میں بے چینی لہر دوڑ گئی۔گزشتہ دو دنوں میں دو گداموں اور ایک ہول سیل دکان میں چوری سے دکانداروں کے پریشانی میں اضافہ ہورہاہیں۔
کوہلو: چھ ارب سے زائد کی لاگت سے تعمیر ہونے والا کوہلو سبی قومی شاہراہ مناسب دیکھ بھال نہ ہونے اور غیر معیاری تعمیرات کے باعث زبوں حالی کا شکار ہے ٹوٹ پھوٹ اور مختلف مقامات پرپل بارشوں کے پانی میں بہہ جانے سے یہاں پرگزرنے والے مسافر بردار اور مال بردار گاڑیوں کو شدید مشکلات درپیش ہیں ،کوہلوسے کوئٹہ چھ گھنٹے کاسفر سڑک کی مناسب دیکھ بھال نہ ہونے کی وجہ سے آٹھ سے دس گھنٹے میں طے کیا جارہا ہے۔
تفتان: پاک ایران کے سرحدی شہر تفتان میں ایرانی سیکورٹی فورسز نے مزید 68 پاکستانی شہریوں کو ایران کے مختلف شہروں سے گرفتار کر کے راہداری گیٹ کے مقام پر تفتان لیویز انتظامیہ کے حوالے کر دیا۔
ڑوب: محکمہ تعلیم ڑوب میں معذور کوٹہ پر میرٹ کی پامالی اور مدنظر افراد کی تعیناتی سے حکومتی بلند وبانگ دعوے دھرے کے دھرے رہ گئے تفصیلات کے مطابق معذورنورواللہ خان محکمہ تعلیم میں نائب قاصد کی اسامی پر عدم تعنیاتی کے خلاف بچوں سمیت عرصہ آیک ہفتے سے ایجوکیشن آفس کے سامنے احتجاجی کیمپ لگا کر علامتی بھوک ہڑتال پر بیٹھے ہیں۔