دالبندین: تین سال قبل لاپتہ ہونے والے میر خالد ساسولی منظر عام پر آگئے تفصیلات کے مطابق پیپلز پارٹی کے رہنماء اور دالبندین کے رہائشی میر خالد ساسولی ولد حاجی میر بدل خان ساسولی جو کہ تین سال قبل لاپتہ ہوچکے تھے جو کہ 17 فروری بروز بدھ منظر عام پر آگئے خاندانی ذرائع کے مطابق میر خالد ساسولی کو سینٹرل جیل ہدہ کوئٹہ میں رکھا گیا۔تاہم خاندانی ذرائع نے ان کی بازیابی کی تصدیق کردی ہے۔
خضدار: وڈھ میں نا معلوم مسلح افراد کی فائرنگ سے ایک شخص جاں بحق،لواحقین نے قتل کے خلاف اور قاتلوں کی گرفتاری کے لئے وڈھ بازار میں شٹرڈاون ہڑتال کرنے کے علاوہ کوئٹہ کراچی قومی شاہراہ بلاک کر دی،قومی شاہراہ بلاک ہونے کی وجہ سے ٹریفک معطل ہو گئی مسافروں و ٹرانسپورٹروں کو شدید پریشانی و مشکلات کا سامناپڑا نتظامیہ سے کامیاب مزاکرات کے بعد ٹریفک بحال کر دی گئی۔
ماشکیل: پاک ایران سرحد پر واقع تحصیل ماشکیل چالیس ہزار نفوس پر مشتمل علاقے میں لوگوں کا ذریعہ معاش زراعت پر ہے یہاں پر عرصے دراز سے لوگ زراعت سے وابستہ ہے بلوچستان میں سب سے زیادہ کھجوروں کے باغات ماشکیل میں ہے اور اس علاقے کو کھجوروں کا شہر بھی کہا جاتا ہے لیکن وقت گزرنے کے ساتھ ساتھ اور حکومتی عدم توجہی کے باعث اب کھجور کے باغات خشک ہونے لگے ہیں۔
سبی: قبائلی شخصیت نوابزادہ زادہ میر جمال خان رئیسانی نے کہا کہ وزیر اعلیٰ بلوچستان جام میر کمال خان عالیانی نے حالیہ ہونے والے سینٹ کے انتخابات میں بلوچستان سے باپ پارٹی کے جن امیدوراروں کو سینٹ کے ٹکٹ جاری کئے ہیں وہ دانشمندانہ فیصلہ ہے انہوں نے کہا کہ بلوچستان عوامی پارٹی (باب)کے نامزد امید وار سینٹ کے انتخابات میں بھاری اکثریت سے کامیاب ہونگے۔
سوراب: پاکستان تحریک انصاف کے مرکزی رہنماء رکن بلوچستان اسمبلی نوابزادہ میرنعمت اللہ خان زہری نے کہا ہے کہ ملکی کی سالمیت کیلئے چیف آف جھالاوان خاندان کی قربانیاں کسی سے ڈکھی چھپی نہیں ہیں آباواجداد سے لیکر اس وقت تک ہم ملک اور صوبے کی سالیمت کیلئے بے پناہ قربانیاں دی ہیں انہوں نے کہاہے کہ گزشتہ روزجھالاوان کے تخت انجیرہ پر چندآفیسرزکاپولیس کی لباس میں چھاپہ مارناناقابل معافی جرم ہے۔
ڈھاڈر: سالانہ سبی تبلیغی اجتماع ڈھاڈر درخان میں اختتام پذیر ہوگیاملک کے کونے کونے کیلئے ہزاروں جماعتیں تشکیل دے دی گئی جو اپنی منزل کی جانب روانہ ہوگئے تین روزہ تبلیغی اجتماع کی اختتامی دعا مولانا محمد احمد بٹلا رائیونڈ لاہور والے نے کرائی انہوں نے عالم اسلام کی سربلندی مملکت پاکستان کی سالمیت کیلئے خصوصی دعا کی انہوں نے کہا کہ امت مسلمہ اپنی صفوں میں اتحاد اتفاق برقرار رکھیں مسلمانوں کی آپس کی نفرتوں اور فرقہ پرستی کی وجہ سے کفار فائدہ اٹھا رہیں ہیں۔
ڈیر مراد جمالی: مٹھٹری کے قریب مسافر کوچ نے ڈیرہ مراد جمالی سے ڈھاڈر تبلیغی اجتماع میں جانے والے موٹر سائیکل سواردو افراد کو کچل ڈالا موقع پر دو نوں جان بحق ڈرائیور فرارہو گیا ہے۔
مستونگ: قبائلی تنازعہ و مبینہ اغواء کے واقعہ میں گرفتاری کے خلاف خواتین اور لوگوں نے ڈپٹی کمشنر ہاؤس کے سامنے قومی شاہراہ پر رکاوٹیں کھڑی کر کے روڈ احتجاجاََ بلاک کردیا روڈ بلاک سے گاڑیوں کی قطاریں لگ گئی اور مسافروں کو مشکلات کا سامنا کرنا پڑا۔
ڈیرہ مراد جمالی: پیپلز پارٹی کے مرکزی سینٹرل ایگزیکٹو کمیٹی کے رکن سابق صوبائی وزیر میر محمد صادق عمرانی ڈویژنل صدر میر بلال خان عمرانی نے کہاکہ اسلام آباد میں حقوق مانگنے والے سرکاری ملازمین پر بد ترین تشدد آنسو گیس کا استعمال حکومتی دہشت گردی کے مترادف ہے حکومتی ناکام پالیسی کی وجہ سے ملک میں مہنگائی کا جن بوتل سے نکل آیا ہے۔
دالبندین: بلوچستان عوامی پارٹی ڈویڑنل آرگنائزر و سابق مشیر وزیر اعلی بلوچستان میر اعجاز خان سنجرانی کا اسلام آباد سے آئے ہوئے ہائیر ایجوکیشن کمیشن کے آفیسرز کے ٹیم کے ہمراہ دالبندین ڈی سی آفس میں قبائلی عمائدین اور پارٹی عہدیداروں کے ہمراہ ڈی سی چاغی اور ڈسٹرکٹ ایجوکیشن آفیسرز کی موجودگی میں منرلز اینڈ ریسرچ یونیورسٹی کے قیام کے حوالے سے اہم اجلاس منعقد ہوا ۔