دالبندین: بلوچستان نیشنل پارٹی کے سابق تحصیل جنرل سیکرٹری میرمحمد ابراہیم ریکی نے اپنے ایک بیان میں کہا کہ نامعلوم چوروں نے گزشتہ روز گورنمنٹ پرائمری اسکول کلی حاجی فقیرداد ڈنو دالبندین کا صفایا کر دیا ہے۔گیس سلنڈر۔برتن سمیت دیگر اشیاء چرا لیا گیا ہے، چوروں نے اسکول کے تمام ریکارڈ طلباء کے رزلٹ کارڈ سمیت دستاویزات پھاڑ دیا ہے۔
تمپ: پچاس ہزار آبادی پر مشتمل تمپ کی واحد سرکاری واٹرسپلائی ایک ہفتے سے بند، عوام پانی کی بوند بوند کو ترس گئے۔ واضح رہے کہ تمپ شہر کی واحد واٹر سپلائی کی ٹنکی کی چھت گزشتہ کئی مہینوں سے ٹوٹنے کے سبب اس میں حشرات الارض گرچکے ہیں۔
ژوب: پولیس اور لیویز فورس نے مشترکہ کارروائی کرتے ہوئے 12سالہ بچے کے قتل میں ملوث ملزم کو گرفتارکرلیاہے ۔ان خیالات کااظہار ایس پی ژوب شیرانی فہد خان کھوسہ نے بارہ سالہ بچے کے قاتل کی گرفتاری کے حوالے سے اپنے آفس میں پریس کانفرنس سے خطاب کرتے ہوئے کیا۔انہوں نے کہا کہ شب گزشتہ لکا بند کے علاقے میں پولیس اور لیویز نے مشترکہ کارروائی کرتے ھوئے ملزم عبدالستار کو گرفتار کر لیا ۔
جھل مگسی: جیکب آباد سے گنداواہ آنے والی مسافر ویگن روڈ خراب ہونے کی وجہ سے الٹ گئی حادثے میں ڈرائیور سمیت بارہ افراد زخمی ہوگئے اہل علاقہ نے امدادی کارروائیاں شروع کر کے زخمیوں کو ڈسٹرکٹ ہیڈ کوارٹر اسپتال گنداواہ کے ایمبولینس کے ذریعے ہسپتال منتقل کر دیا گیا ۔
خضدار: کمسن بچی خضدار سے بازیاب، تین مقامات پر فروخت ہوئی، خضدار کے شہری نے 11 سالہ بچی کو قیمتاً خرید کرلائی،مبینہ طور زبردستی اپنے ساتھ نکاح پڑھوائی، بچی سال بعد گھر سے بھاگ نکلی تو چند قدم پر ایک اور شخص جان کی امان دینے کے بہانے بچی کو گھر لائی دھوکہ دیا، بالآ خر بچی کا خفیہ طور پر باپ سے رابطہ ہوا، خضدار پولیس کو اطلاع ملی اور بچی بازیاب ہوگئی۔
سبی: ڈپٹی کمشنر سبی ڈاکٹر محمد یاسر بازئی کی صدارت میں بسلسلہ سبی میلہ 2021کے تیاریوں کے سلسلے میںضلعی آفیسران کاایک اجلاس منعقد ہو ا اجلاس میں مختلف سرکاری محکموں کے آفیسران نے شرکت کی ،پانچ روزہ سالانہ سبی میلہ میں ایس او پیز کو مد نظر رکھ کر منایا جائے گا، پروگرام آوٹ ڈور ہونگے ۔
لورالائی: پیپلز پارٹی کے سینٹرل کمیٹی کے رکن صوبائی سیکرٹری اطلاعات سردار سر بلند خان جوگیزئی نے میڈیا سے بات چیت کرتے ہوئے کہا کہ سلیکٹیڈ حکومت کے خلاف عوامی تحریک بہت جلد منطقی انجام کو پہنچنے والی ہے۔
ژوب: والہ اکرم مندوخیل میں لیویز فورس کی جانب خواتین پر تشدد اور چاردیواری کی پامالی کے خلاف پاتکیزئی قوم مندوخیل کے بوڑے، خواتین اور چھوٹے بچوں نے کلیوال شہید چوک پر احتجاج ٹائرجلاکرروڈ کو بلاک کردیا مظاہرین نے کہا کہ ہم چارسو سال سیکلی ولہ اکرم میں ایک باونڈری کے اندر آباد ہیں لیکن بعض بااثر لوگ ہمیں باربار تنگ کررہے ہیں۔
لورالائی:صوبائی وزیر صنعت وحرفت حاجی محمد خان طور اوتمانخیل کے فرزند اور بلوچستان عوامی پارٹی لورالائی کے ضلعی صدر اصغر خان اوتمانخیل اور عبیداللہ خان اوتمانخیل نے کہا ہے کہ اقتدار عوام کی امانت ہے اس میں خیانت نہیں کر یں گے بلاامتیاز عوامی خدمت پر یقین رکھتے ہیں۔
مچھ: میرنادر احمد کرد محمد اکبر کرد لعل محمد کرد نے کہا ہے کہ چند بااثر افراد نے محمد گزی کولپور بولان میں ماربل کے حصول کیلئے مچھ انتظامیہ کو الاٹمنٹ کیلئے درخواست گزاری ہیں جبکہ یہ زمینیں آباؤ اجداد سے کرد قبیلہ کے طائفہ سفر زئی محمد زئی کا مشترکہ جائیداد ہیں محمد گزی میں اراضیات کیلئے کسی بھی الاٹمنٹ کو تسلیم نہیں کیا جائیگا حالیہ الاٹمنٹس کیلئے مشتہراشتہارات کے بعدان پر اعتراض کرتے ہوئے مچھ انتظامیہ کیساتھ تحریری درخواستیں جمع کرادئیے ہیں۔