ڈیرہ مراد جمالی: پیپلز پارٹی کے مرکزی سینٹرل ایگزیکٹو کمیٹی کے رکن سابق صوبائی وزیر میر محمد صادق عمرانی ڈویژنل صدر میر بلال خان عمرانی نے کہاکہ اسلام آباد میں حقوق مانگنے والے سرکاری ملازمین پر بد ترین تشدد آنسو گیس کا استعمال حکومتی دہشت گردی کے مترادف ہے حکومتی ناکام پالیسی کی وجہ سے ملک میں مہنگائی کا جن بوتل سے نکل آیا ہے۔
دالبندین: بلوچستان عوامی پارٹی ڈویڑنل آرگنائزر و سابق مشیر وزیر اعلی بلوچستان میر اعجاز خان سنجرانی کا اسلام آباد سے آئے ہوئے ہائیر ایجوکیشن کمیشن کے آفیسرز کے ٹیم کے ہمراہ دالبندین ڈی سی آفس میں قبائلی عمائدین اور پارٹی عہدیداروں کے ہمراہ ڈی سی چاغی اور ڈسٹرکٹ ایجوکیشن آفیسرز کی موجودگی میں منرلز اینڈ ریسرچ یونیورسٹی کے قیام کے حوالے سے اہم اجلاس منعقد ہوا ۔
کوئٹہ: سابق وزیراعلیٰ بلوچستان ،چیف آف جھالاوان رکن صوبائی اسمبلی نواب ثناء اللہ خان زہری نے کہاہے کہ انتظامیہ کی اجا زت کے بغیر پولیس کی انجیرہ میں کارروائی چادر اور چاردیواری کی کھلی پامالی ہے ،انجیرہ زہری قبائل کیلئے ماں کی حیثیت رکھتاہے ایسے اقدا مات اقوام میں اشتعال کا باعث بنتے ہیں وزیراعلیٰ بلوچستان واقعہ کا فوری نوٹس لیتے ہوئے ذمہ داران کے خلاف کارروائی عمل میں لائیں بصورت دیگر احتجاج کا راستہ اختیار کرینگے ۔
اوتھل: کراچی،کوئٹہ، چمن مین آرسی ڈی قومی شاہراہ اور مکران کوسٹل ہائی وے خونی شاہرائوں میں تبدیل ہوگئیں،یہ شاہراہیں خوف وڈر کی علامت بن گئیں،قومی شاہراہ پر این ایچ اے کی غفلت ولاپرواہی کے سبب وموٹروے پولیس کی بے بسی کیوجہ سے ٹریفک حادثات روزکا معمول بن گئے نئے سال میںاب تک ٹریفک حادثات میں40سے زائد اموات اور120سے زائد افراد زخمی ہوچکے ہیں۔
سبی: سبی بولان کا تین روزہ سالانہ عالمی تبلیغی اجتماع آج سے ڈھاڈرمیں شروع ہو گا،ملک بھر سے لاکھوں فرزندان توحید کا قافلوں کی شکل میں آمد کا سلسلہ جاری ہے،اجتماع گاہ میں تاحد نگاہ خیمہ بستیاں لگ گئیں،سیکورٹی میں غیر معمولی اضافہ کردیا گیا۔
مستونگ: کلی کونگھڑ مستونگ کے رہائشی 2013 سے لاپتہ لیویز اہلکار سعیداحمدولد حبیب اللہ شاہوانی کی والدہ و بہن والد و دیگر نے لاپتہ نوجوان کے بازیابی کیلئے ڈپٹی کمشنر ہاوس مستونگ کے سامنے احتجاج کرتے ہوئے کئی گھنٹوں تک دہرنادیا۔اس دوران مختلف سیاسی پارٹیوں اور طلباء تنظیموں کے رہنماؤں نے بھی دہرنے میں شرکت اور انکے ساتھ اظہار یکجہتی کی۔
مچھ: سینئر صحافی سیاسی معاشی اوراقتصادی امور کے ماہر ماما صدیق بلوچ کی تیسری برسی پر مچھ بولان کے سیاسی سماجی حلقوں نے ان کی سیاسی و صحافتی میدان میں اعلیٰ خدمات کو بھی سراہا گیا اور خراج تحسین پیش کیا گیا مامابلوچستان کی ایک توانا آواز تھے بلوچستان میں سیاست اور صحافت میں جدت ماما کے مرہون منت ہیں۔
اوستہ محمد: اوستہ محمد نامعلوم مسلح افراد کی فائرنگ معروف اسلحہ ڈیلر حاجی محمد انور رند قتل مسلح افراد فرار ہونے میں کامیاب ورثا نے لاشیں سٹی پولیس تھانے کے سامنے رکھ کر احتجاج ملزمان کی گرفتاری کا مطالبہ تفصیلات کے مطابق نامعلوم مسلح افراد کی فائرنگ سے معروف اسلحہ ڈیلر حاجی محمد انور رند قتل نامعلوم ملزمان موقع واردات سے فرار ہونے میں کامیاب ہو گئے۔
مچھ : بی اینڈ آر کی زیر نگرانی پل تا مچھ بازار روڈ کی مرمت کا کام ادھورا ہی رہ گیا ٹھیکیدار نے مرمت کے نام پر روڈ کو جگہ جگہ سے کٹس لگاکر چھوڑ دیا کمشنر نصیر آباد کے نوٹس اور فوری مرمت کے یقین دہانی کے باوجود بھی کام شروع نہ ہوسکا مچھ کے سیاسی عوامی حلقوں کا فوری روڑ کو مرمت کرنے کا مطالبہ تفصیلات کیمطابق چند ماہ قبل پل تا مچھ بازار روڑ جوکہ تقریبا تین کلو میٹر کے فاصلے پر محیط ہیں کو محکمہ بی اینڈ آر کے زیر نگرانی مرمت کیلئے جگہ جگہ سے کٹس لگاکر چھوڑدیا گیا ہے ۔
ژوب: بلوچستان کے ضلع ژوب میں دہانہ سر کے مقام پر پک اپ گاڑی گہری کھائی میں گرنے کے نتیجے میں 2سگے بھائی جاں بحق ہوگئے ہیں ۔تفصیلات کے مطابق ژوب ڈی آئی خان قومی شاہراہ دہانہ سر کے مقام پر پک اپ گاڑی گہری کھائی میں گرنے سے دو سگے بھائی حلیم شاہ اور قاسم شاہ جاں بحق ہوگیے جان بحق افراد کا تعلق ژوب سے ہے ۔