مچھ: سینئر صحافی سیاسی معاشی اوراقتصادی امور کے ماہر ماما صدیق بلوچ کی تیسری برسی پر مچھ بولان کے سیاسی سماجی حلقوں نے ان کی سیاسی و صحافتی میدان میں اعلیٰ خدمات کو بھی سراہا گیا اور خراج تحسین پیش کیا گیا مامابلوچستان کی ایک توانا آواز تھے بلوچستان میں سیاست اور صحافت میں جدت ماما کے مرہون منت ہیں۔
اوستہ محمد: اوستہ محمد نامعلوم مسلح افراد کی فائرنگ معروف اسلحہ ڈیلر حاجی محمد انور رند قتل مسلح افراد فرار ہونے میں کامیاب ورثا نے لاشیں سٹی پولیس تھانے کے سامنے رکھ کر احتجاج ملزمان کی گرفتاری کا مطالبہ تفصیلات کے مطابق نامعلوم مسلح افراد کی فائرنگ سے معروف اسلحہ ڈیلر حاجی محمد انور رند قتل نامعلوم ملزمان موقع واردات سے فرار ہونے میں کامیاب ہو گئے۔
مچھ : بی اینڈ آر کی زیر نگرانی پل تا مچھ بازار روڈ کی مرمت کا کام ادھورا ہی رہ گیا ٹھیکیدار نے مرمت کے نام پر روڈ کو جگہ جگہ سے کٹس لگاکر چھوڑ دیا کمشنر نصیر آباد کے نوٹس اور فوری مرمت کے یقین دہانی کے باوجود بھی کام شروع نہ ہوسکا مچھ کے سیاسی عوامی حلقوں کا فوری روڑ کو مرمت کرنے کا مطالبہ تفصیلات کیمطابق چند ماہ قبل پل تا مچھ بازار روڑ جوکہ تقریبا تین کلو میٹر کے فاصلے پر محیط ہیں کو محکمہ بی اینڈ آر کے زیر نگرانی مرمت کیلئے جگہ جگہ سے کٹس لگاکر چھوڑدیا گیا ہے ۔
ژوب: بلوچستان کے ضلع ژوب میں دہانہ سر کے مقام پر پک اپ گاڑی گہری کھائی میں گرنے کے نتیجے میں 2سگے بھائی جاں بحق ہوگئے ہیں ۔تفصیلات کے مطابق ژوب ڈی آئی خان قومی شاہراہ دہانہ سر کے مقام پر پک اپ گاڑی گہری کھائی میں گرنے سے دو سگے بھائی حلیم شاہ اور قاسم شاہ جاں بحق ہوگیے جان بحق افراد کا تعلق ژوب سے ہے ۔
دالبندین: بلوچستان نیشنل پارٹی کے سابق تحصیل جنرل سیکرٹری میرمحمد ابراہیم ریکی نے اپنے ایک بیان میں کہا کہ نامعلوم چوروں نے گزشتہ روز گورنمنٹ پرائمری اسکول کلی حاجی فقیرداد ڈنو دالبندین کا صفایا کر دیا ہے۔گیس سلنڈر۔برتن سمیت دیگر اشیاء چرا لیا گیا ہے، چوروں نے اسکول کے تمام ریکارڈ طلباء کے رزلٹ کارڈ سمیت دستاویزات پھاڑ دیا ہے۔
تمپ: پچاس ہزار آبادی پر مشتمل تمپ کی واحد سرکاری واٹرسپلائی ایک ہفتے سے بند، عوام پانی کی بوند بوند کو ترس گئے۔ واضح رہے کہ تمپ شہر کی واحد واٹر سپلائی کی ٹنکی کی چھت گزشتہ کئی مہینوں سے ٹوٹنے کے سبب اس میں حشرات الارض گرچکے ہیں۔
ژوب: پولیس اور لیویز فورس نے مشترکہ کارروائی کرتے ہوئے 12سالہ بچے کے قتل میں ملوث ملزم کو گرفتارکرلیاہے ۔ان خیالات کااظہار ایس پی ژوب شیرانی فہد خان کھوسہ نے بارہ سالہ بچے کے قاتل کی گرفتاری کے حوالے سے اپنے آفس میں پریس کانفرنس سے خطاب کرتے ہوئے کیا۔انہوں نے کہا کہ شب گزشتہ لکا بند کے علاقے میں پولیس اور لیویز نے مشترکہ کارروائی کرتے ھوئے ملزم عبدالستار کو گرفتار کر لیا ۔
جھل مگسی: جیکب آباد سے گنداواہ آنے والی مسافر ویگن روڈ خراب ہونے کی وجہ سے الٹ گئی حادثے میں ڈرائیور سمیت بارہ افراد زخمی ہوگئے اہل علاقہ نے امدادی کارروائیاں شروع کر کے زخمیوں کو ڈسٹرکٹ ہیڈ کوارٹر اسپتال گنداواہ کے ایمبولینس کے ذریعے ہسپتال منتقل کر دیا گیا ۔
خضدار: کمسن بچی خضدار سے بازیاب، تین مقامات پر فروخت ہوئی، خضدار کے شہری نے 11 سالہ بچی کو قیمتاً خرید کرلائی،مبینہ طور زبردستی اپنے ساتھ نکاح پڑھوائی، بچی سال بعد گھر سے بھاگ نکلی تو چند قدم پر ایک اور شخص جان کی امان دینے کے بہانے بچی کو گھر لائی دھوکہ دیا، بالآ خر بچی کا خفیہ طور پر باپ سے رابطہ ہوا، خضدار پولیس کو اطلاع ملی اور بچی بازیاب ہوگئی۔
سبی: ڈپٹی کمشنر سبی ڈاکٹر محمد یاسر بازئی کی صدارت میں بسلسلہ سبی میلہ 2021کے تیاریوں کے سلسلے میںضلعی آفیسران کاایک اجلاس منعقد ہو ا اجلاس میں مختلف سرکاری محکموں کے آفیسران نے شرکت کی ،پانچ روزہ سالانہ سبی میلہ میں ایس او پیز کو مد نظر رکھ کر منایا جائے گا، پروگرام آوٹ ڈور ہونگے ۔