لاہور: بلوچستان نیشنل پارٹی مینگل گروپ کے سربراہ سردار اختر مینگل نے مسلم لیگ (ن) کے مرکزی رہنما خواجہ سعد رفیق سے ان کی رہائش گاہ پر ملاقات کی۔ملاقات میں ملکی سیاسی صورتحال، پی ڈی ایم کی تحریک اور پی ڈی ایم اتحاد میں شامل ہونے سمیت اہم معاملات پر تبادلہ خیال کیا گیا۔ملاقات میں سابق وزیر صحت خواجہ سلمان رفیق اور بی این پی کے رہنماآغا حسن بلوچ بھی شامل تھے۔
کوئٹہ: نیشنل پارٹی کے صوبائی ترجمان نے جاری بیان میں قلات سے کمسن بچے کے اغواء جنسی ذیادتی اور قتل کو درندگی کی انتہا قرار دیا اور اسکی شدید الفاظ میں مذمت کرتے ہوئے کہا کہ بچوں کے ساتھ جنسی ذیادتی کے بڑھتے ہوئے رجحانات تشویشناک ہے۔ لسبیلہ و میزء اڈہ میں بچوں سے ہونے والی زیادتیوں کو سنجیدگی سے لیا جاتا تو قلات میں وحشیانہ پن نہ ہوتا۔وزرات داخلہ صرف واقعات کا نوٹس اور مذمت تک محدود ہے۔
کوئٹہ: صوبائی وزیر خزانہ ظہور احمد بلیدی نے کہا ہے کہ کشمیر میں جاری بھارتی جاریت اشتعال انگیزی اور غاصبانہ قبضے نے معصوم کشمیر یوں کی زندگی اجیرن کر دی ہے کشمیریوں کا پاکستان کے ساتھ مذہبی ثقافتی اور روحانی تعلق کو ختم کرنے کیلئے بھارتی فوج معصوم کشمیریوں پر طرح طرح کے مظالم ڈھا رہی ہے لیکن کشمیر یوں کی متزلزل ارادے اور لازوال قربانیوں کی بدولت بھارت اپنا غاصبانہ قبضہ دیر تک قائم نہیں رہ پائے گا۔
کوئٹہ: حکومت بلوچستان کے ترجمان لیاقت شاہوانی نے پانچ روزہ قومی انسداد پولیو مہم کے حوالے سے بات چیت کرتے ہوئے کہا کہ صوبے کے 33 اضلاع میں انسداد پولیو کی خصوصی مہم چلائی جارہی ہے جو کہ یکم نومبرتک صوبے بھر میں جاری رہے گی۔اب تک پندرہ لاکھ سے زائد بچوں کو پولیو کے قطرے پلوائے جا چکے ہیں اور تقریباً 25 لاکھ بچوں کو انسداد پولیو کے قطرے پلوانیکا ٹارگٹ رکھا گیا ہے۔
گوادر: لانچ مالکان اور ماہیگیروں کا فیش ہاربر گیٹ کے سامنے دھرنا، لانچوں کو پوری طور چھوڑنے کا مطالبہ، تفصیلات کے مطابق ماہیگیروں کا پی ایم ایس اے کے خلاف فش ہاربر گیٹ کے باہر احتجاجی مظاہرہ جاری انتظامیہ اور پی ایم ایس اے کی جانب سے تاحال مذاکرات کے لیے کوئی نہیں پہنچا۔
کوئٹہ: نیشنل پارٹی کے مرکزی صدر و سابق وزیر اعلیٰ بلوچستان ڈاکٹر مالک بلوچ مرکزی سیکرٹری جنرل جان محمد بلیدی مرکزی سینئر نائب صدر سینیٹر میر کبیر احمد محمد شہی نے کہا ہے کہ پاکستان وفاقی ریاست ہے اور اس میں بلوچ سمیت تمام قومیں قدیم سرزمین شناخت اور ثقافت رکھتے ہیں۔لیکن ملک میں آمرانہ و حاکمانہ طرز عمل و قومی و طبقاتی نابرابری نے وفاق کو غاصب بنا دیا۔
کوئٹہ: ترجمان حکومت بلوچستان لیاقت شاہوانی نے گذشتہ دنوں بی ایم سی ہسپتال کوئٹہ کی او پی ڈی میں پروفیسر اور دیگر اسٹاف پر مسلح افراد کی جانب سے ہونے والے حملے کے حوالے سے وضاحت دیتے ہوئے کہا ہے کہ صوبائی وزیر سردار عبدالرحمن کھیتران کا مذکورہ واقعہ سے قطعی کوئی تعلق نہیں ہے، ینگ ڈاکٹرز کی جانب سے اس حملے میں عبدالشکور مری نامی مسلح شخص کو مرتکب ٹھہرایا گیا ہے۔
کوئٹہ: سوئی سدرن گیس کمپنی کے جنرل منیجر و دیگر نے کہا ہے کہ سا لا نہ بنیا دوں پر کمپنی کو 125ایم ایم گیس کی کمی کا سا منا ہے، گیس چوری کے تدارک اور کمپریسر کے استعمال کے خاتمہ سے ہی گیس پریشر کو بہترکیا جا سکتا ہے،لوگوں کے احتیاطی تدابیر اختیار نہ کر نے کی وجہ سے انسانی جا نوں کا ضیا ع ہو رہا ہے، اس سلسلے میں میڈیا کا کردار کلیدی ہے، تیر میٹر با رے تا ثر درست نہیں، پریشر بڑھا نے سے شہر کے مختلف علاقوں میں بو پھیلنے کی شکا یا ت مل رہی ہیں۔
کوئٹہ: کوئٹہ کے نان بائیان 2دھڑوں میں تقسیم ہوگئے، ایک دھڑے نے ہڑتال ختم کرکے تندور کھولنے کا اعلان جبکہ دوسرے دھڑے نے ہڑتال جاری رکھنے کا فیصلہ برقرار رکھا اور ساتھ ہی میڈیا میں نان بائیوں کے تقسیم ہونے کی خبر کو من گھڑت قرار دیدیا۔
ڈیرہ بگٹی: ضلع بھر میں لیڈی ڈاکٹر نہ ہونے کے باعث گزشتہ روز دو مزید حاملہ خواتین جان بحق ہوگئیں زرائع کے مطابق قدرتی گیس کی دولت سے مالا مال ضلع ڈیرہ بگٹی میں دوران زچگی خواتین میں شرح اموات تشویشناک حد تک بڑھ گئی ہے۔