کوئٹہ: صوبائی وزراء اور اراکین اسمبلی نے کہا ہے کہ بلوچستان سے متعلق وفاق کی جانب سے کئے گئے کسی ایسے معاہدے کو قبول نہیں کریں گے جو ہمیں اعتماد میں لئے بغیر کیا جائے گا۔ گوادر اور پسنی میں سعودی عرب کی جانب سے قائم ہونے والی آئل ریفائنری معاہدے میں بلوچستان کے مفادات پرسمجھوتہ کریں گے نہ سی پیک ، ریکوڈک پر بلوچستان کے مفادات کا سودا کسی کو کرنے دیں گے۔
کوئٹہ: جماعت اسلامی پاکستان کے سیکریٹری جنرل لیاقت بلوچ کا کہنا ہے کہ این آر او اور پس پردہ فیصلوں نے ہمیشہ ملک کو نقصان پہنچایا۔احتساب پسند و ناپسند کی بنیاد پر نہیں بلا امتیاز ہونا چاہیے۔کوئٹہ میں امیر جماعت اسلامی بلوچستان مولانا عبدالحق ہاشمی اور دیگر عہدے داروں کے ہمراہ پریس کانفرنس کرتے ہوئے لیاقت بلوچ کا کہنا تھا کہ موجودہ حکومت اور سیاسی جماعتوں کی کارکردگی انتہائی زوال پذیر ہیں۔لوگوں کی امیدیں دم توڑ رہی ہیں۔
کوئٹہ: اسلام آباد میں متعین ایرانی سفیر مہدی ہنردوست نے پاکستان میں سعودی سرمایہ کاری کے نئے اقدامات کے رد عمل میں کہا ہے کہ ایران پاکستان کی مسلم ممالک کیساتھ علاقائی تعاون کی کوششوں کا مخالف نہیں۔ ایران کے بغیر سی پیک شاید آخری مرحلے تک نہ پہنچ سکے اس لئے تہران چاہتا ہے کہ اپنی تمام تر صلاحیتوں اور توانائیوں کیساتھ سی پیک میں شامل ہوجائے۔
کوئٹہ : بلوچستان اسمبلی کے اجلاس میں حج اخراجات میں اضافہ کا فیصلہ واپس عازمین حج کیلئے سبسڈی بحال کرنے سمیت بلوچستان بھر میں لائبریریوں کے قیام سے متعلق قرار دادیں منظور مارکیٹ کمیٹی کے ملازمین کی مستقلی سے متعلق معاملہ عدالت میں ہونے پر محرک نے اپنی قرارداد واپس لے لی۔
کوئٹہ: الیکشن کمیشن نے بلوچستان ہائیکورٹ کے حکم امتناع کے بعد صوبے میں صوبے میں نئی بلدیاتی حلقہ بندیوں کا کام روک دیا۔ تفصیلات کے مطابق بلوچستان ہائیکورٹ نے ایک روز قبل ہائیکورٹ بار کے صدر شاہ محمد جتوئی اور دیگر کی آئینی درخواست کی سماعت کے بعد الیکشن کمیشن کے17جنوری کے نوٹیفکیشن کو معطل کردیا تھا جس کے تحت بلوچستان میں بلدیاتی حلقہ بندیوں کا از سرنو تشکیل کا کام شروع کیا گیا تھا۔
کوئٹہ: محکمہ پبلک ہیلتھ انجینئرنگ میں کروڑوں روپے کے غبن کے الزام میں سابق ایکسین کو نیب نے گرفتار کرلیا۔ نیب ترجمان کے مطابق قومی احتساب بیورو بلوچستان نے پی ایچ ای میں بد عنوانی کے اس مقدمے کی تحقیقات کی تو معلوم ہوا کہ سال 2017 میں سابق ایکسین الیکٹریکل اینڈ ڈویژن محکمہ پی ایچ ای غلا م سرور بگٹی و دیگر نے سرکار کی آنکھوں میں دھول جھونکتے ہوئے قومی خزانے کو کروڑوں روپے کانقصان پہنچایا۔
کوئٹہ: وزیراعلیٰ بلوچستان کی ہدایت پرکوئٹہ پیکج میں شامل ترقیاتی منصوبوں کیلئے ایک ارب روپے کا اجرا کر دیا گیا ۔ڈپٹی کمشنر کوئٹہ کو پیکج میں شامل سڑکوں کی کشادگی کے منصوبوں کے لئے درکار اراضی پر فوری عمل کرنے کی ہدایت کر دی ۔سرکاری بیان کے مطابق وزیراعلیٰ نے کیسکو حکام کو بجلی کے کھمبوں کی منتقلی کے عمل کو فوری طور پر مکمل کرنے کی بھی ہدایت کی ہے ۔
کوئٹہ : کینسر ،جگر ،گردوں کے عارضے سمیت مہلک امراض میں مبتلا افراد کو طبی ومالی معاونت فراہم کرنے کیلئے بلوچستان عوامی انڈوومنٹ فنڈ قائم مستحق افراد کا علاج ملک کے دیگر مستند سرکاری اور نجی ہسپتالوں میں کرایا جائیگا درخواست گزاروں کیلئے فارم کا اجراء کردیا گیا ۔
کوئٹہ: وزیراعلیٰ بلوچستان جام کمال خان نے کہا ہے کہ بلوچستان میں گذشتہ پندرہ بیس سال کی انتظامی بدنظمی کے نتائج آج مسائل کا پہاڑ بن کر سامنے آئے ہیں،بلوچستان میں گورنس کے اچھے ڈھانچے کی ضرورت ہے، ترقی کا عمل مالی استحکام سے وابستہ ہے۔
کوئٹہ: بلوچستان کے ضلع لسبیلہ میں اکیس جنوری کو پیش آنیوالے ہولناک ٹریفک حادثے کی تحقیقات کیلئے قائم مشترکہ تحقیقاتی ٹیم نے اپنی ابتدائی رپورٹ تیار کرلی ہے۔