ایف آئی اے اینٹی کرپشن سرکل نے کارروائی کرتے ہوئے ریلوے کنسٹرکشن کمپنی کے سابق سی ای او سید نجم سعید، سابق کنٹرولر فنانس محمد زبیر اور سابق ڈائریکٹر کمرشل مہرالنسا کو گرفتار کر لیا۔
ایف آئی اے کے مطابق ملزمان کو جعلی بینک گارنٹی بنانے کےالزام میں گرفتارکیا گیا ہے، ملزمان نےجعلی بینک گارنٹیز میں1.16ارب روپے ظاہر کیے۔
پروینشل ڈیزاسٹر مینجمنٹ اتھارٹی (پی ڈی ایم اے) نے بلوچستان میں بارشوں کے حوالے سے الرٹ جاری کردیا۔
محکمہ موسمیات کے مطابق بلوچستان کے 20 اضلاع شیرانی، ژوب، زیارت، موسیٰ خیل، دکی، لورالائی، ہرنائی، سبی، بارکھان، نصیر آباد، اوستا محمد، قلات، لسبیلہ، سوراب، خضدار، آواران، صحبت پور، جعفر آباد، ڈیرہ بگٹی اور کوہلو میں 4 جولائی سے 8 جولائی تک بارشوں کا امکان ہے۔
فٹبال نیشنز کپ کی فاتح پرتگالی ٹیم کے معروف فٹبالر ڈیاگو جوٹا ٹریفک حادثے میں ہلاک ہوگئے۔
حکومت نے نئے بجٹ میں گاڑیوں درآمدی دودھ، دہی سمیت 6980 اشیاء پر ڈیوٹی اور ٹیکس میں کمی کردی۔ نئے مالی سال کے آغاز کے ساتھ ہی نوٹیفکیشن بھی جاری کردیا گیا ہے۔
محکمۂ خزانہ بلوچستان کے نوٹیفکیشن کے مطابق جامعہ بلوچستان کو 52 کروڑ روپے، بلوچستان یونیورسٹی آف انفارمیشن ٹیکنالوجی انجینئرنگ اینڈ مینجمنٹ سائنسز کو 18 کروڑ روپے، سردار بہادر خان ویمن یونیورسٹی کو 20 کروڑ اور لسبیلہ یونیورسٹی آف ایگری کلچر واٹر اینڈ میرین سائنسز کو 10 کروڑ جاری کیے گئے ہیں۔
بھارتی شہر ممبئی کی مساجد میں لاؤڈ اسپیکر پر اذان دینے پر پابندی عائد کردی گئی۔
غزہ میں اسرائیل کی دہشت گردی اور ظالمانہ کارروائیاں جاری ہیں۔ عرب میڈیا کے مطابق اسرائیل نے امداد کے منتظر افراد پر ایک بار پھر حملہ کردیا، 25 فلسطینی شہید ہوگئے۔
عرب میڈیا کی رپورٹ کے مطابق صیہونی فوج نے حملہ تنزارم کوریڈور کے قریب کیا، غزہ سٹی میں اسکول پر بھی اسرائیلی بمباری کی گئی، 17 افراد شہید اور 20 زخمی ہوگئے، اسکول میں بے گھر افراد کی بڑی تعداد جمع تھی۔
سعودی عرب نے قابض اسرائیلی حکام کے بیان کی سخت الفاظ میں مذمت کرتے ہوئے کہا ہے کہ مقبوضہ مغربی کنارے پر اسرائیلی خود مختاری کے نفاذ کا مطالبہ عالمی قراردادوں کے منافی ہے۔
کراچی چیمبر کے نمائندوں نے لاہور، فیصل آباد و دیگر شہروں کے چیمبرز کے تاجر رہنماؤں کے ساتھ مشترکہ پریس کانفرنس کرتے ہوئے حکومت سے مطالبہ کیا کہ سیکشن 37 اے اور 37 بی فوری طور پر منسوخ کی جائے، بصورت دیگر ملک بھر میں ہڑتال کریں گے۔
کراچی کی تاجر برادری کے ساتھ دیگر شہروں کے تاجر بھی کراچی چیمبر کے ساتھ ہم آواز ہوگئے۔ صحافیوں نے پوچھا کہ اگر حکومت نہ مانی تو آئندہ کا لائحہ عمل کیا ہوگا؟، جس پر صدر کراچی چیمبر جاوید بلوانی نے کہا کہ صرف کراچی میں نہیں پورے ملک میں ایک ساتھ ہڑتال ہوگی۔
وزیراعظم شہبازشریف نےاپنے بیان میں کہا حکومت پولیو کے مکمل خاتمے کےلئے پرعزم ہے،چیلنجز کے باوجود پولیو فری پاکستان کا ہدف جلد حاصل کر لیں گے۔