کوئٹہ; آل پاکستان کلرکس ایسوسی ایشن ضلع کوئٹہ کے صدر رحمت اللہ زہری کی کال پر بجلی وگیس بلوں، پیٹرولیم مصنوعات کی قیمتوں میں ہوشربا اضافے اور مہنگائی کیخلاف ایپکا کوئٹہ کے زیر اہتمام میٹروپولیٹن کارپوریشن کے سبزہ زار سے احتجاجی ریلی نکالی گئی احتجاجی ریلی میں ایپکا کوئٹہ کے 57 یونٹس کے عہدیداران وممبران ایپکا کوئٹہ کے کابینہ کے ارکان صوبائی عہدیداران نے کثیر تعداد میں شرکت کی۔

کوئٹہ : کوئٹہ بار ایسوسی ایشن کے صدر ملک عابد کاکڑ ایڈووکیٹ، جنرل سیکرٹری چنگیز حئی بلوچ ایڈووکیٹ، نے افغانستان اور ایران بارڈر کی بندش بلوچستان کی عوام کی ساتھ زیادتی ہے بارڈر ٹریڈ پر پابندی کو بلوچستان کے عوام کی معاشی قتل عام قرار دیتے ہوئے اس کو مکمل مسترد کرتے ہیں ۔

کوئٹہ: نیشنل پارٹی کے مرکزی ترجمان نے اپنے بیان میں کہاہے کہ بولان میں اراضیات کے تنازعات کے باعث قیمتی انسانی جانوں کا ضیاع ہورہا ہے ۔

نگراں وزیر اطلاعات بلوچستان جان اچکزئی کا کہنا ہے کہ صوبائی کابینہ نے سابق وزرا ء سے گاڑیاں فوری واپس لینے کا فیصلہ کیا ہے۔ سابق وزراء سے 45 گاڑیاں واپس لے لی گئی ہیں جبکہ 25 گاڑیاں اب بھی سابق وزراء کے پاس ہیں۔

بولان:بلوچستان کے ضلع کچھی میں زمین پر تصادم کے نتیجے میں 4 افراد جاں بحق اور 3 زخمی ہو گئے۔تفصیلات کے مطابق صوبہ بلوچستان کے ضلع کچھی میں اراضی کے تنازعے پر متحارب قبائل کے مابین تصادم سے 4 افراد جاں بحق اور 3 زخمی ہو گئے ہیں۔

کوئٹہ:نگران وزیراعلیٰ بلوچستان میر علی مردان خان ڈومکی سے قائم مقام افغان کونسل جنرل مولوی گل حسن کی ملاقات کی۔ملاقات میں پاک افغان تعلقات افغان مہاجرین کے مسائل سمیت باہمی دلچسپی کے دیگر امور پر تبادلہ خیال کیاگیا۔ملاقات میں اتفاق کیاگیاکہ دونوں ممالک کے سرحدی علاقوں کے عوام کا مزہب زبان اور ثقافت ایک جیسی اور دیرینہ تعلقات قائم ہیں۔

 کوئٹہ: بلوچستان کے دارالحکومت کوئٹہ میں دستی بم دھماکے میں 2 افراد زخمی ہو گئے۔

کوئٹ: پاکستان پیپلز پارٹی بلو چستان کے صدر میر چنگیز خان جمالی اور جنرل سیکر ٹری روزی خان کاکڑ نے کہا ہے کہ پاکستان پیپلز پارٹی کابلوچستان کے بلدیاتی میں پہلے نمبر پر آنا سب عہدیداروں اور کارکنوں کی دن رات محنت کا نتیجہ ہے،اگر کوئٹہ کے بلدیاتی الیکشن میں کامیابی حاصل کی تو جنرل الیکشن میں کوئٹہ ڈسٹرکٹ کے اکثریتی حلقوں میں بھی کامیابی پاکستان پیپلز پارٹی کا مقدر بنے گی۔

کوئٹہ:  نگران وزیراعلیٰ بلوچستان میر علی مردان خان ڈومکی کی زیر صدارت وزیراعلیٰ سیکریٹریٹ کے افسران کا تعارفی اجلاس منعقد ہوا ۔