کوئٹہ: بی ایم سی بحالی تحریک کے زیراہتمام تادم مرگ بھوک ہڑتال تیسرے روز بھی جاری، بھوک ہڑتال پر بیٹھے ملازمین وطلباء کی حالت بگڑ نے لگی ہے، جنہیں بار بار طبی امداد کیلئے ہسپتال لے جایاگیا، بھوک ہڑتالی کیمپ میں مختلف سیاسی جماعتوں سول سوسائٹی ٹریڈ یونینز اور دیگر شخصیات نے آکر اظہار یکجہتی کیا، علاوہ ازیں تحریک بحالی بی ایم سی کے رہنماؤں نے کہاکہ گزرتے وقت کے ساتھ بھوک ہڑتالی ساتھیوں کی حالت خراب سے خراب تر ہوتی جارہی ہے۔

کو ئٹہ: بولان میڈیکل کالج بحالی تحریک کی جانب سے اپنے مطالبات کے حق میں جاری تادم مرگ بھوک ہڑتال کے دوران 3طلباء سمیت 5افراد کی حالت غیر ہوگئی جنہیں تحریک کے شرکاء نے اپنی مدد آپ کے تحت ہسپتال منتقل کردیا، ہسپتال میں طبی امداد کے بعد دوبارہ دھرنے کی جگہ پہنچ کر بھوک ہڑتال پر بیٹھ گئے، مختلف سیاسی و قبائلی شخصیات اور سول سوسائٹی کے افراد نے زرغون روڈ پر جاری بھوک ہڑتالی کیمپ کے شرکاء کے ساتھ اظہار یکجہتی کیا۔

کراچی: فشر مینز کوآپریٹو سوسائٹی کے وائس چیئرمین ابوذر ماڑی والا، ڈایکٹر ڈاکٹر یوسف کے STOPA صدر حبیب اللہ نیازی،عرفان احمد اور پاکستان فشر فوک فورم کے جنرل سیکریٹری سعید بلوچ اور دیگر ماہی گیر نمائندوں نے وفاقی حکومت کی طرف سے ڈیپ سی فشنگ ٹرالروں کے لائسنس جاری کرنے فشر مینز کوآپریٹو کے چیئرمین کے چین کی کمپنی ” فیوجیان ہھینگلی “کے ساتھ غیرقانونی معائدہ کو رد کرتے ہوئے اس ایگریمنٹ کی شدید مذمت کرتے ہیں۔ ان ماہی گیر دشمن پالیسیوں کے خلاف سینکڑوں ماہی گیروں نے ڈیپ سی ٹرالرز کے خلاف کراچی پریس کلب کے سامنے احتجاجی مظاہرہ کیا۔

کوئٹہ: بولان میڈیکل کالج بحالی تحریک نے حکومت سے مذاکرات ناکام ہونے کے بعد آج سے تادم مرگ بھوک ہڑتال کا اعلان کردیا۔ تفصیلات کے مطابق جمعرات کو تحریک بحالی بولان میڈیکل کالج کے زیر اہتمام نکالی گئی احتجاجی ریلی کے شرکاء پولیس کی رکاوٹیں عبور کرتے ہوئے شہید سنبل چوک پر پہنچ گئے جہاں ریلی کے شرکاء نے دھرنادیا ریڈ زون میں ان کارکنوں کے دھرنے کے باعث گورنر ہاوس اور وزیر اعلی ہاوس جانے والے راستے پر پولیس کی بھاری نفری تعینات کردی گئی جبکہ دھرنے کی وجہ سے زرغون روڈ پر ٹریفک کی آمد روفت بند ہونے سے شہر میں ٹریفک جام کی صورت نظر آئی۔

کراچی: سندھ کی ساحلی پٹی کے ماہی گیروں نے وفاقی حکومت کی طرف سے ڈیپ سی فشنگ ٹرالروں کے لائسنس جاری کرنے والے فیصلے کو رد کرتے ہوئے بھرپور جدوجہد کا اعلان کیا ہے۔اس سلسلے میں بدھ والے دن پاکستان فشرفوک فورم اور پاکستان بونافائیڈ فشرمین فورم کے مشترکہ اعلامیہ پر سینکڑوں ماہی گیروں نے آرٹس کونسل سے کراچی پریس کلب تک احتجاجی ریلی نکالی، جو کہ کراچی پریس کلب تک پہنچتے ہی ایک بہت بڑے جلسے میں تبدیل ہوگئی۔ ریلی میں شریک ہونے والوں کے پاس بینر اور پلے کارڈ بھی موجود تھے، جن پر ڈیپ سی فشنگ ٹرالروں کے خلاف نعرے درج تھے۔

کراچی : پاکستان پیپلزپارٹی کے چیئرمین بلاول بھٹو زرداری اور بلوچستان نیشنل پارٹی کے سربراہ سردار اختر مینگل کے درمیان ٹیلی فونک رابطہ جس میں ملکی سیاسی صورت حال پر بات چیت ہوئی اور دونوں رہنماؤں نے جمہوریت اور جمہوری اداروں کی مضبوطی اور انسانی حقوق کے تحفظ کے لئے تعاون جاری رکھنے پر اتفاق کیا۔

کوئٹہ: بلوچستان نیشنل پارٹی کے سربراہ رکن قومی اسمبلی سردار اختر جان مینگل نے کہا ہے کہ یہاں پر انصاف صرف پیزا والوں کو ہی ملتا ہے،کاش اس ملک میں عدل ہوتا اگر ہوتا تو یہ سب کچھ ہمیں دیکھنا نہ پڑتا، حاکموں کو اپنی ہی عدالتوں پر اعتبار نہیں۔

کوئٹہ: وزیراعلیٰ بلوچستان جام کمال خان نے مختلف شعبوں میں کوئٹہ کی ترقی کے منصوبوں پر کام کرنے والے اداروں کو ترقیاتی منصوبوں پر پیشرفت کو مزید بہتر بنانے کی ہدایت کی ہے جن میں کوئٹہ سیف سٹی پروجیکٹ، کوئٹہ ترقیاتی پیکج، کوئٹہ میٹروپولیٹن کارپوریشن، کوئٹہ ڈویلپمنٹ اتھارٹی اور محکمہ صحت شامل ہیں، اس حوالے سے پیر کے روز منعقد ہونے والے ایک اعلیٰ سطحی اجلاس کی صدارت کرتے ہوئے وزیراعلیٰ نے کہا کہ کوئٹہ کے اہم مسائل میں صفائی۔

پاکستان سمیت دنیا بھر میں یومِ عاشور (10 محرم الحرام) انتہائی عقیدت و احترام سے منایا جارہا ہے۔اس سلسلے میں ملک کے مختلف علاقوں میں سخت سیکیورٹی میں ماتمی جلوس نکالے جارہے ہیں جس میں عزادار ماتم اور نوحہ خوانی کرتے ہوئے شہدائے کربلا پر ڈھائے گئے مظالم کو یاد کررہے ہیں۔

کوئٹہ+اندرون بلوچستان: بلوچستان میں حالیہ بارشوں نے تباہی مچادی۔ خضدار میں مسلسل دو روز سے جاری بارش سے کچی آبادی زیر آب آگئے، فصلات کو بڑے پیمانے پر نقصان، عوامی نمائندے غائب، نکاسی آب کے ناقص نظام نے شہریوں و تاجروں کوپریشانی سے دوچارکردیا مسلسل برسنے والی بارش سے گلیاں اور سڑکیں سمندر کا منظر پیش کرنے لگی ہیں۔