کوئٹہ: بلوچستان نیشنل پارٹی کے مرکزی رہنماء نوابزادہ حاجی میر لشکری رئیسانی سے ٹکری شفقت اللہ لانگو کی سراوان ہاؤس میں ملاقات ۔ ملاقات میں گذشتہ دنوں قلات کے علاقہ “ڈلو” میں خان قلات فیملی اور لانگو قبیلہ کے طائفہ سمک زئی کے مابین اراضیات پر تنازعہ پر تفصیلی بات چیت کی گئی۔انہوں نے بات چیت میں کہا کہ بلوچستان راوایات کا امین صوبہ اور بلوچوں کے اپنے رسوم و روایات ہیں۔
تربت: نیشنل پارٹی کے مرکزی سیکرٹری جنرل جان محمدبلیدی نے کہاہے کہ بلوچستان کامسئلہ چند پروجیکٹ یا ساؤتھ ونارتھ جیسے پیکیج نہیں بلکہ بلوچ قوم کا مسئلہ سیاسی اختیارکا ہے تاکہ بلوچ قوم اپنی سرزمین پر اپنے فیصلے خودکرسکے،نیشنل پارٹی سیاسی حق واختیارکی جدوجہد کی سرخیل جماعت ہے، تمام ادارے اپنے دائرہ اختیارمیں رہ کر کام کریں، فورسز کی جانب سے عوام کو چیک پوسٹوں پر ہراساں کرنا قابل مذمت عمل ہے۔
کوئٹہ+اندرون بلوچستان: بلوچستان میں حالیہ بارشوں نے تباہی مچادی۔ خضدار میں مسلسل دو روز سے جاری بارش سے کچی آبادی زیر آب آگئے، فصلات کو بڑے پیمانے پر نقصان، عوامی نمائندے غائب، نکاسی آب کے ناقص نظام نے شہریوں و تاجروں کوپریشانی سے دوچارکردیا مسلسل برسنے والی بارش سے گلیاں اور سڑکیں سمندر کا منظر پیش کرنے لگی ہیں۔
کوئٹہ+اندرون بلوچستان: بلوچستان کے مختلف اضلاع میں بارشوں کا سلسلہ جاری ہے بارشوں نے تباہی مچادی ہے، خضدار میں دیوار گرنے سے بچہ جاں بحق جبکہ بچی سمیت تین افراد زخمی ہوگئے،ضلع لسبیلہ کے علاقہ لاکھڑا پیر قبرستان میں موجود قبروں کو بھی سیلابی ریلے نے شدید نقصان پہنچایا، لاکھڑا شہر سے یوسی ہاڑہ سیٹھار و علی محمد انگاریہ گوٹھ کا راستہ منقطع ہوکر رہ گیا لوگ اشیائے خوردونوش کے محتاج ہوگئے،ہرنائی میں شدید بارش اورسیلابی ریلہ آنے کے باعث ہرنائی کوئٹہ شاہراہ کھوسٹ کے مقام زیارت کچ کے قریب بند ہوگئی۔
کوئٹہ: محکمہ صحت بلوچستان کی رپورٹ کے مطابق بلوچستان میں کورونا و ائرس کے 66 نئے کیسز رپورٹ ہوئے ہیں۔
چمن+کوئٹہ : جمعیت علماء اسلام کے مرکزی جوائنٹ سیکرٹری مولانا محمد حنیف دیگر دو افراد سمیت بم دھماکے میں شہید 17 افراد زخمی ہوگئے جمعیت علماء اسلام کا واقعہ کیخلاف بلوچستان بھر میں شٹرڈاؤن ہڑتال کا اعلان انجمن تاجران نے حمایت کردی واقعہ کیخلاف چمن اور کوئٹہ میں احتجاجی مظاہرے کئے گئے۔
کوئٹہ +دیرہ اللہ یار: بلوچستان کے ضلع کچھی کے پہاڑی سلسلے میں مقدس مقامات کی زیارت کیلئے جانیوالے ڈیڑھ سو سے زائد ہندو یاتری سیلابی ریلے میں پھنس گئے۔
کوئٹہ/خضدار: بلوچستان نیشنل پارٹی کے سربراہ رکن قومی اسمبلی سردار اختر مینگل کی وڈھ میں واقع رہائش گاہ پر حملہ کو شش ناکام محافظوں نے دو مسلح افراد کو پکڑکر مقامی لیویز کے حوالے کردیا ۔