وفاقی وزیر اطلاعات و نشریات فواد چوہدری کا کہنا ہے کہ اہم کارروائی میں کالعدم جماعت سے تعلق رکھنے والے درجنوں افراد کو گرفتار کر لیا گیا ہے۔سوشل میڈیا پر جاری اپنے بیان میں فواد چوہدری نے بتایا کہ رات ایک اہم کارروائی میں کالعدم جماعت سے تعلق رکھنے والے 32 اراکین کو گرفتار کیا گیا ہے۔

 وزیراعظم عمران خان کی زیر صدارت قومی سلامتی کمیٹی کا اجلاس آج ہو گا۔کالعدم جماعت کی غیر قانونی سرگرمیوں سے پیدا صورتحال کے پیش نظر اجلاس طلب کیا گیا۔ اجلاس میں قومی سلامتی سے متعلق دیگر امور بھی زیر غور آئیں گے۔

راولپنڈی: جوائنٹ چیفس آف اسٹاف کمیٹی کے اعلیٰ سطح اجلاس میں عسکری قیادت نے اس عزم کا اعادہ کیا ہے کہ مسلح افواج کسی بھی جارحیت کا بھرپور جواب دے گی۔

کراچی: سپریم کورٹ نے گلی، محلوں، فٹ پاتھوں اور سڑکوں سے تجاوزات کے خاتمے کا حکم دیا ہے۔

وفاقی وزیر اطلاعات فواد چوہدری نے کہا ہے کہ پاکستان تحریک انصاف کی حکومت نے ہر جگہ میرٹ پر تقرر کی کوشش کی ہے جس کی وجہ سے ادارے بہتر ہونا شروع ہوئے ہیں۔

ملتان: پاکستان تحریک انصاف کے رہنما جہانگیر ترین نے کہا ہے کہ ماضی کی حکومتوں نے ہمارا خیال نہیں کیا جبکہ جنوبی پنجاب کا مستقل حل صرف سرائیکی صوبہ ہے۔

 اسلام آباد: وفاقی وزیر توانائی حماد اظہر کا کہنا ہے کہ رواں مالی سال کی پہلی سہہ ماہی میں بجلی، پیٹرول کی کھپت اور ڈیزل کی طلب میں غیرمعمولی اضافہ ہوا ہے۔

سیشن کورٹ لاہور نے وزیراعظم عمران خان کے معاون خصوصی شہبازگل کے قابل ضمانت وارنٹ گرفتاری جاری کر دیئے ہیں۔نجی کمپنی نے معاون خصوصی شہبازگل کیخلاف دعویٰ دائرکررکھا ہے۔ ایڈیشنل سیشن جج حسنین اظہر شاہ نے آج دعوے پر سماعت کی۔

کالعدم تحریک لبیک پاکستان (ٹی ایل پی) کا کہنا ہے کہ وزیر داخلہ مذاکرات سامنے لائیں اور ہمارا مؤقف بھی سامنے رکھا جائے، ہم حقائق مسخ نہیں ہونے دیں گے۔ترجمان کالعدم ٹی ایل پی کا کہنا ہے کہ حکومت کے ساتھ مذاکرات کے حوالے سے تصویر کا ایک رخ نہ دکھایا جائے، ہمارا پہلے دن سے ایک ہی مطالبہ تھا کہ فرانسیسی سفیر کو ملک بدر کیا جائے، باقی مطالبات حکومتی تصادم کے باعث سامنے رکھے گئے۔

احتساب عدالت اسلام آباد نے پاکستان پیپلز پارٹی کے شریک چیئرمین، سابق صدر آصف علی زرداری، پاکستان پیپلز پارٹی کے رہنما، سابق وزیرِ اعظم یوسف رضا گیلانی کے خلاف توشہ خانہ ریفرنس کی سماعت ملتوی کر دی۔اسلام آباد کی احتساب عدالت کے جج سید اصغر علی نے نیب ریفرنس پر سماعت کی۔