وزيراعظم عمران خان نے اسپیکر قومی اسمبلی اسد قیصر کو اپوزيشن سے مذاکرات کا ٹاسک سونپ دیا۔
ذرائع کے مطابق وزیراعظم نے انتخابی اصلاحات کے عمل کو جلد مکمل کرنے کی ہدایت کی ہے کیونکہ حکومت مشاورت سے انتخابی اصلاحات کو جلد حتمی شکل دینا چاہتی ہے۔
ذرائع نے بتایاکہ وزیراعظم نے نیب قوانین میں ترمیم کےمعاملے پر اپوزیشن سے بات چیت کیلئے اسپیکر آفس کو ٹاسک دیدیا جس کے بعد اسد قیصر انتخابی اصلاحات اور نیب قوانین میں ترامیم پر اپوزیشن سے رابطہ کریں گے۔