سبی: آئی جی جیل خانہ جات بلوچستان قادربخش پرکانی نے کہا ہے کہ ڈسٹرکٹ جیل سبی کے مسائل کو دور کرنے کے لئے اقدامات کیے جائیں گے حکومت بلوچستان نے جدید ماڈل جیل بلوچستان بھر میں تعمیر کرنے کی منصوبہ بندی کی ہے جلد ہی جدید ماڈل جیل کوئٹہ میں بنائی جائے گی جو ہمارا پائلٹ پروجیکٹ ہوگا جس میں خواتین بچہ وارڈ سمیت تمام جدید سہولیات فراہم کریں گے۔
خضدار:بلوچستان نیشنل پارٹی کے مرکزی کونسلر جان محمد گرگناڑی کے مبینہ اغواء کے خلاف کوئٹہ کراچی ۔خضدار شہداد کوٹ قومی شاہرائیں بلاکبی این پی کے مرکزی کال پر پارٹی کے مرکزی رہنماء جان محمد گرگناڑی کا نامعلوم افراد کے ہاتھوں مبینہ اغواء کے خلاف بی این پی کے مشتعل کارکنان جمشید آباد ۔وڈھ۔ سوناروں ۔ اورناچ ۔ ڈراکھالہ سمیت بارہ مقامات سے رکاوٹیں کھڑی کرکے روڈ بلاک کر دیا گیا
دالبندین: مائنزاونرز ایسوسی ایشن کاایک اہم اجلاس ممتازمائنزاونرحاجی میرمددخان سنجرانی کی زیر صدارت منعقد ہواجس میں میرعاصم سنجرانی،حاجی بشیرجان،میرجمیل جان سنجرانی،کامریڈسیدمحمدنبی بلوچ، حاجی محبوب علی سنجرانی،قاضی میراحمدحسن زئی،سیددرمحمد،حاجی غلام قادرسنجرانی،عبدالسلام کشانی، غلام جان اوردیگرمائنزاونرزنے کثیر تعدادمیں شرکت کی۔
تفتان:پاک ایران کے سرحدی شہر تفتان میں ایرانی سیکورٹی فورسز نے مذید 58 پاکستانی شہریوں کو ایران کے مختلف شہروں سے گرفتار کر کے راہداری گیٹ کے مقام پر تفتان لیویز انتظامیہ کے حوالے کر دیا
پنجگور: پنجگور ٹرمینل ایریا میں گودام سے نامعلوم ڈاکو لاکھوں روپے مالیت کا سامان تین گاڑیوں میں لوڈ کرکے لے گئے تفصیلات کے مطابق پنجگور ٹرمینل ایریا میں گزشتہ شب دو درجن سے زائد ڈاکووں نے اسلحہ کے زور پر گودام میں چوکیدار کو یرغمال بناکر 20 لاکھ روپے مالیت کی سامان تین گاڑیوں میں لوڈ کرکے لے گئے پنجگور کے کاروباری حلقوں نے ڈاکووں کی آزادنہ وارداتوں پر شدید تشویش کا اظہار کیا اور مطالبہ کیا کہ شہریوں کے جان ومال کا تحفظ یقینی بنایا جائے۔
ڈیرہ اللہ یار: ڈپٹی اسپیکر پنجاب اسمبلی دوست محمد مزاری نے کہا ہے کہ سابق وزیراعظم میر ظفراللہ خان جمالی ایک سچے اور محب وطن پاکستانی تھے انہوں نے ہمیشہ ملکی ترقی اور خوشحالی کے لیے سیاسی جدوجہد کی انکی سیاسی خدمات کو کسی صورت فراموش نہیں کیا جاسکتا۔
مستونگ: بی ایس ڈی آئی اجالا فاونڈیشن کے زیر اہتمام پریس کلب مستونگ میں خواتین پر صنفی تشدد واقعات کے خلاف خواتین کا چارٹرڈ آف ڈیمانڈ پیش کیا گیا۔اس موقعے پر بی ایس ڈی آئی کے پروگرام آفیسر محمد حسنین شاھوانی بی ایس او کے مرکزی کمیٹی کے ممبر جہانگیر منظور بلوچ پریس کلب۔
وندر: وندراورسونمیانی کے عوامی حلقوں نے بلوچستان حکومت سے مطالبہ کیا ہے کہ گلشیری میں لگائے گئے فش ملز کو شہر سے باہر منتقل کیا جائے ، فش ملز اور اس سے نکلنے والی آلودگی سے انسانی زندگیوں، چرند و پرند ، جنگلات کو خطرات ہیں۔ عوامی حلقوں نے وزراعلیٰ بلوچستان کی توجہ حلقہ میں فش ملز اور ان سے نکلنے والی آلودگی کی جانب مبذول کراتے ہوئے کہا کہ گلشیری میں آبادی کے درمیان بنے فش ملز کی تعداد میں ہر سال اضافہ ہوتا جارہا ہے ۔
مستونگ: قومی شاہراہ پر دوموٹرسائیکلوں میں ٹکر دو افراد جاں بحق دو زخمی ،تفصیلات کے مطابق گزشتہ روز قومی شاہراہ پر گنجہ ڈھوری کے علاقے میں ڈبل پل کے مقام پر دو موٹرسائیکلوں میں ٹکر کے نتیجے میںدو افراد جاںبحق اور دو شدید زخمی ہوئے۔
کوہلو: کوہلو میں سی ٹی ایس پی کے تحت محکمہ تعلیم کے 72 اساتذہ کرام میںتقرر نامے تقسیم کرنے کی تقریب گورنمنٹ گرلز ہائی سکول میں منعقد ہوئی ۔تقریب میں رکن صوبائی اسمبلی میر نصیب اللہ مری,ڈسٹرکٹ ایجوکیشن آفیسر امیر محمد کاکڑ,ڈی ای او جعفر زرکون,ایجوکیشن آفیسر حفیظ مری,سپورٹ آفیسر جمعہ خان مری سمیت ضلعی آفیسران نے شرکت کی ہے۔