اسلام آباد: جے یو آئی (ف) کے سیکرٹری جنرل مولانا عبد الغفور حیدری نے پشاور جلسے روکنے کے عمل کو جمہوریت پر حملہ قرار دیتے ہوئے پی ڈی ایم کے کارکنان کو ہدایت کی ہے کہ جلسے سے آنے سے روکا جائے تو وہیں دھرنا شروع کر دیں اور جلسے کریں،ہم ہر حال میں جلسہ کر کے رہیں گے،پی ڈی ایم کا آئندہ کا شیڈول لاہور کے جلسے میں کیا جائیگا،اپوزیشن کے اندر استعفوں کے معاملے پر اپنی اپنی رائے ہے۔
اسلام آباد: پی ڈی ایم کے سربراہ مولانا فضل الرحمن نے سابق وزیر اعظم نوازشریف سے ٹیلیفونک رابط کیا ہے۔ مولانا فضل الرحمن نے نوازشریف کی تیمارداری کی اور صحت بارے دریافت کیا جبکہ دونوں رہنماؤں کی ملکی سیاست اور باہمی دلچسپی کے امور پر بات چیت کی گئی۔ ذرائع کے مطابق دونوں رہنماؤں کی ٹیلی فونک گفتگو میں پشاور کے جلسہ پر مختصر بات چیت کی گئی۔
ڈیرہ اللہ یار /جعفر آباد: بلوچستان نیشنل پارٹی حقیقی ترقی و خوشحالی کی خواہاں ہے ہماری جدوجہد بلوچ قومی حقوق کے حصول کی خاطر ہے نیم قبائلی و جاگیردارانہ نظام بلوچستان کی ترقی میں رکاوٹ ہے بلوچستان نیشنل پارٹی کے سامنے 6 نکات جو قومی و اجتماعی مفادات کے حصول کی خاطر ہیں اس سے ایک انچ پیچھے نہیں ہٹیں گے اقتدار کو ٹھوکر مار کر لاپتہ افراد کی بازیابی سمیت دیگر مسائل کے حل کیلئے طویل و مسلسل جدوجہد کی۔
کوئٹہ: بلوچستان عوامی سٹوڈنٹس فیڈریشن کے صوبائی صدر سردار حبیب کاکڑ، اجمل کاکڑ، فرید بلوچ ودیگر نے پارٹی قائدین کی جانب سے مبینہ طور پر پارٹی آئین کے برخلاف طلباء تنظیم کی کابینہ کے ہوتے ہوئے دوسری کابینہ کے نوٹیفکیشن کو مسترد کرتے ہوئے پیر کو توہین عدالت کا پٹیشن دائر کرنے اور اضلاع کی سطح پر احتجاج کا اعلان کردیا۔
کوئٹہ: پاکستان مسلم لیگ(ن) کے صوبائی جنرل سیکرٹری و سابق اسپیکر جمال شاہ کاکڑ نے کہا ہے کہ حکومت کی آزادی اظہار رائے پر پابندیاں کسی بھی صورت قابل قبول نہیں حکومت اپنی ناکامی کو چھپانے کے لئے سوشل میڈیا، انٹرنیٹ، پرنٹ و الیکٹرانک میڈیا پر پابندیاں عائد کر رہی ہے آزادی اظہار رائے بنیادی حق ہے جس پر کسی بھی صورت سمجھوتہ نہیں کریں گے، حکومت پی ڈی ایم کے جلسوں کو روکنے کے لئے کورونا وائرس کا سہارا لے رہی ہے۔
کوئٹہ: جمعیت علماء اسلام کے صوبائی امیر و رکن قومی اسمبلی مولانا عبدالواسع نے کہا ہے کہ پشاور میں پی ڈی ایم کا جلسہ ہر صورت ہوگا، پشاور حکومت کی جانب سے جلسے کی اجازت نہ دینا قابل مذمت ہے، ملک کو کورونا سے اتنا خطرہ نہیں جتنا خطرہ موجودہ حکمرانوں سے ہے جنہوں نے دو سال کے عرصے میں ملکی معیشت کا جنازہ نکال دیا ہے، عوام پر مہنگائی، بے روزگاری کے پہاڑ توڑ دیئے ہیں۔
کوئٹہ: پارلیمانی سیکر ٹر ی اطلاعات بشریٰ رند نے کہا ہے کہ پاکستان سمیت پوری دنیا میں کورونا کی دوسری لہر جاری ہے، اگر ہم نے پہلے کی طرح کورونا سے بچاؤکے ضابطہ کار پر عمل کیا تو قیمتی جانوں کے ساتھ ساتھ اپنے کاروبار اور معیشت کو بچانے میں کامیاب رہیں گے۔ ایس او پیز پر عملدرآمد نہ کرنے سے صورتحال تشویشناک ہو سکتی ہے،انہوں نے کہا کہ ہم نے احتیاط نہ کی تو ہسپتالوں پر دوبارہ دباؤ بڑھ سکتا ہے۔
کوئٹہ: وزیراعلیٰ بلوچستان جام کمال خان نے سماجی رابطے کی ویب سائٹ ٹوئٹر پر اپنے ایک پیغام میں کہا ہے کہ موجودہ حکومت نے سنڈیمن پراونشل ہسپتال کوئٹہ میں چلڈرن ایمرجنسی رسپانس سینٹر کا کامیاب آغاز کردیا۔
کوئٹہ: صوبائی وزیر خزانہ ظہوراحمد بلیدی نے شہید ایوب بلیدی کی علاقے کے عوام کیلئے گران خدمات کو خراج عقید ت پیش کرتے ہوئے کہا کہ مو صوف نے علاقے میں سماجی خدمت،سیاسی جدو جہد اور عوامی مفاد کی داغ بیل ڈاالی جواب تک ان کے جا نیشنوں کو مفا دعا مہ سے متعلق مسائل کے حل کیلئے رہنمائی فراہم کرتی آرہی ہے انہوں نے کہا کہ ایوب بلیدی ایک نڈر اور بے باک لیڈ ر تھے۔
لاہور: بلوچستان سرمایہ کاری بورڈ کے چیف ایگزیکٹو فرمان زرکون نے گزشتہ روز پنجاب سرمایہ کاری بورڈ کے قائمقام چیف آپریٹنگ آفیسر جلال احمد سے ملاقات کی، اس موقع پر مختلف امور پر تبادلہ خیال کیا گیااور دونوں بورڈ ز کے درمیان طے پایا کہ جس طرح پنجاب سرمایہ کاری بورڈ نے پنجاب میں ٹریڈکورٹس قائم کی ہیں بلوچستان میں بھی عدالتوں اسکے نفاذ کوکاروبار میں آسانی کے شعبے میں بطور نمونہ آزمایا جائیگا۔