کوئٹہ: بلوچستان عوامی پارٹی کے مرکزی جنرل سیکرٹری و سینیٹر منظور احمد کاکڑ نے کہا ہے کہ پی ڈی ایم ملک کو ایک بار پھر بحرانوں کی طرف دھکیلنا چاہتی ہے،،بلوچستان عوامی پارٹی صوبے کی ترقی و خوشحالی کے لئے عملی اقدامات اٹھارہی ہے ہم حکومت میں شا مل تمام اتحادیوں کو ساتھ لے کر صوبے کو ترقی و خوشحالی کی راہ پر گامزن کریں گے۔
کوئٹہ: وزیراعظم عمران خان کی زیرصدارت قومی رابطہ کمیٹی کے منعقدہ اجلاس میں وزیر اعلیٰ بلوچستان جام کمال خان نے بذریعہ وڈیو لنک شرکت کی، اجلاس میں ملک میں کورونا وائرس کی دوسری لہر اور اس حوالے سے ایس او پیز پر عملدرآمد کا جائزہ لیا گیا، وزیراعلیٰ نے اجلاس کو بلوچستان میں کورونا وائرس کی موجودہ صورتحال اور ایس او پیز پر عملدرآمدسے متعلق اجلاس کے شرکاء کو آگاہ کرتے ہوئے بتایا کہ ایس او پیز پر سختی عملدرآمد کو یقینی بنانے کے لئے ٹھوس اقدامات کررہے ہیں۔
مستونگ +خضدار: مستونگ اور خضدار میں قومی شاہراہ پر ٹریفک کے مختلف حادثات میں 22افراد زخمی ہوئے، زخمیوں میں خواتین وبچے بھی شامل ہیں، زخمیوں کو مستونگ وخضدار ہسپتال پہنچا دیا گیا، تفصیلات ک مطابق گزشتہ روز قومی شاہراہ پر کراچی سے کوئٹہ جانیوالی مسافر کوچ مستونگ کے قریب چونگی کے مقام پر بارش کے وجہ سے پھسل کر حادثے کاشکار ہوکر الٹ گیا۔
پنجگور: نیشنل پارٹی کے ضلع پنجگور چتکان کے کارکنان زابد عیسیٰ زئی لطیف یاسین بلوچ عارف فضل بلوچ احمد کریم کاشانی میران گرگناڈی ایان گرگناڈی کمال عیسیٰ زئی اور بخشی عیسیٰ ٰزئی نے اپنے مشترکہ بیان میں کہا ہے کہ پنجگور کے سلیکٹڈ نمائندے اپنے اختیارات کا غلط استعمال کرکے سرکار اور نجی زمینوں پر قبضہ کر نے کے بعد ان کو اپنے رشتہ داروں کے نام کرنے کے بعد کوڑوں کے دام منتقل کر رہا ہے اس کے بھانجے جس کا تعلق ہر کسی کو معلوم ہے کہ پنجگور ضلع سے نہیں ہے مگر بہت سے سرکاری زمینوں جن میں پنجگور آفیسر کلب محکمہ زراعت وغیرہ کی زمین شامل ہیں ان کے نام کئے ہیں۔
کوئٹہ: صوبائی مشیر ایکسائز اینڈ ٹیکسیشن ملک نعیم خان بازئی نے کہا ہے کہ موٹر وے پولیس بلوچستان میں شاہراہوں پر حادثات کی روک تھام اور جان ومال کی حفاظت کرنے میں اپنا بھر پور کردار ادا کر رہی ہے موٹر وے پولیس اپنی کاوشوں سے شاہراہوں پر حادثات میں کمی لا کر مزید قیمتی جانوں کو بچا سکتی ہے ان خیالات کا اظہار انہوں نے موٹر وے پولیس کی جانب سے روڈ سیفٹی آگاہی مہم کے سلسلہ میں منعقدہ سیمنار سے خطاب کرتے ہوئے کیا۔
کوئٹہ: گورنر بلوچستان امان اللہ خان یاسین زئی نے کہا ہے کہ اچھی طرز حکمرانی کے خواب کو شرمندہ تعبیر کرنے کیلئے ہمیں اپنے تمام اداروں کو مضبوط اور مستحکم بنانا ہوگا. پولیس محکمہ کو جدید خطوط پر استوار کرنے اور پولیس نظام میں بہتری لانے میں نیشنل پولیس اکیڈمی لاہور کے زیر تربیت اے ایس پیز کلیدی کردار ادا کر سکتے ہیں. یہ بات انہوں نے کوئٹہ کے مطالعاتی دورے پر آئے ہوئے نیشنل پولیس اکیڈمی اسلام آباد کے زیر تربیت اے ایس پیز سے گفتگو کرتے ہوئے کیا۔
ڈیرہ مرادجمالی: پاکستان میں کورونا وائرس کی دوسری لہر کے پیش نظر ملک میں تعلیمی ادارے بند کرنے کے حکومتی فیصلے کے خلاف نصیرآباد ڈویڑن کے پرائیوٹ اسکولز مالکان نے مشترقہ طور پر ایکشن کمیٹی بنالی ایکشن کمیٹی کے ممبران،پروفیسر محمد ابراہیم ابڑو،امان اللہ مینگل،محمد علی عابدی سولنگی زاہد حسین شر،ارباب امداد حسین ایری، عبدالرشید بلوچ،راشد حسین تھیم،قمر انجم،محمد ایوب،جمیل احمد گجر،گل محمد جتوئی،محمد صادق ابڑو،اعجاز احمد ساسولی ودیگرکی جانب سے کی گئی پریس کانفرنس میں کہا گیا ہیکے حکومت کورونا وائرس کے معاملے پر سنجیدگی نہیں انتقام لے رہی ہے۔
کوئٹہ: پارلیمانی سیکرٹری برائے اطلاعات و چیئر پرسن کیو ڈی اے بشریٰ رندنے کہا کہ کوئٹہ شہر کی روائتی حسن و خوبصورتی بحال کرنے کیلئے کوئٹہ ماسٹر پلان انتہائی اہمیت کا حامل ہے ان خیالات کا اظہار انہوں نے سیکر ٹری پی اینڈ ڈی اربن پلاننگعبد الطیف کاکڑ سے ملاقات کے دوران کیا۔ اس موقع پر ڈائر یکٹراربن پلاننگ مجتبیٰ احمد و دیگر آفیسران بھی موجود تھے۔
قلات: جماعت اسلامی قلات کے امیر عبدالسلام میروانی، حافظ مولا بخش، مولانا سمیع اللہ شاہوانی، غلام حسین بلوچ، رحمت اللہ مینگل، حفیظ احمد، عبدالواحد، نیشنل پارٹی کے فیض نیچاری، بی این پی کے وڈیرہ رحیم مینگل، عبدالغفور شاہوانی،غلام جیلانی بلوچ، بی این پی عوامی کے میر نذیر احمد نیچاری، ذکریا نیچاری، نوراحمد نیچاری، ٹکری مقبول محمد شہی حاجی قادر عمرانی و دیگر نے پر ہجوم پریس کانفرنس سے خطاب کرتے ہوئے کہا کہ حکومت عوام کو بنیادی سہولیات کی فراہمی۔
کوئٹہ: پاکستان تحریک انصاف کے قومی اسمبلی کی ممبر اور سربراہ ہیلتھ ایڈوائزری کمیٹی منورہ منیر بلوچ نے سول ہسپتال کوئٹہ کا دورہ کیا انتظامیہ نے ہسپتال کے متعلق بریفنگ دی اس موقع پر منورہ منیر کا کہنا تھا کہ سابقہ حکمرانوں کی ناقص پالیسوں اور کرپشن کی وجہ سے یہاں صحت کے شعبے تباہ ہوچکے ہیں بلخصوص ہسپتالوں کی حالت زار اور عوامی مسائل کو مدنظر رکھتے ہوئے ایمرجنسی بنیادوں پر کام کرنا وقت کی اشد ضرورت ہے۔