کوئٹہ: کوئٹہ الیکٹرک سپلائی کمپنی(کیسکو)نے ماہ رمضان کے مہینہ میں صارفین کو خصوصی ریلیف اوربجلی کی باقاعدہ فراہمی کیلئے مختلف انتظامات کئے ہیں۔اس سلسلے میں صوبائی دارالحکومت کوئٹہ اور دیگربڑے شہروںمیں سحری ، افطاراورتراویح کے دوران بجلی کی لوڈشیڈنگ نہیں کی جائے گی تاہم صوبہ میں موجود تمام دیہی و زرعی فیڈروں کواُنکے پرانے شیڈول کے مطابق یومیہ مختلف اوقات کارمیں بجلی فراہم کی جائے گی ۔کیسکوکے تمام سب ڈویژنوںمیں عملہ اورلائن اسٹاف اپنے متعلقہ علاقوںمیںاپنے فرائض انجام دیںگے۔
کوئٹہ : نیشنل پارٹی کے صدر وحدت بلوچستان میر رحمت صالح بلوچ نے خضدار میں موجودہ سیاسی صورتحال ، بلدیاتی الیکشن اور متوقع جنرل الیکشن سے متعلق اظہار خیال کرتے ہوئے کہا نیشنل پارٹی بلوچستان کے اہم ایشوز سے غافل نہیں ریکوڈک ساحل وسائل سمیت بلوچستان سے متعلق پارٹی پالیسی واضع ہے۔نیشنل پارٹی بلوچ قوم کو مایوس نہیں کریگی۔ انہوں نے مزید کہاکہ نیشنل پارٹی کی موجودہ سیاسی صورتحال پر گہری نظر ہے بلدیاتی انتخابات اور متوقع جنرل الیکشن کے لیے کارکن تیار رہیں میر رحمت صالح بلوچ نے کہا کہ نیشنل پارٹی اپنے کارکنوں کی تربیت بابائے بلوچستان میر غوث بخش بزنجو کے فکری درس گاہ کے ذریعے کررہی ہے
کوئٹہ: سینٹر فارپیس اینڈ ڈولپمنٹ (سی پی ڈی) اور خواتین ورکرز الائنس کوئٹہ نے ٹرسٹ فار ڈیموکریٹک ایجوکیشن اینڈ اکاونٹیبلٹی (ٹی ڈی ای اے) کے تعاون سے ڈسٹرکٹ کوئٹہ میں خواتین ورکرز کے کام کرنے کی جگہوں (ورک پلیسز) کے حالات کار اور ملازمتی حقوق کے ضمن میں درپیش مسائل کے موثر حل کے لیے… Read more »
کوئٹہ: پاکستان پیپلز پارٹی وومن ونگ بلوچستان کی صوبائی ڈپٹی جنرل سیکرٹری سکینہ عبداللہ خان نے کہا ہے کہ بلوچستان عوامی پارٹی نے بلوچستان کے عوام کے امنگوں کے عین مطابق فیصلہ کیا پاکستان پیپلزپارٹی اس فیصلے کو سراہتی ہیں کیونکہ بلوچستان کی عوام جانتی ہیں کہ آغاز حقوق بلوچستان اور سی پیک پاکستان پیپلز پارٹی کا دیا ہوا تحفہ ہیں۔
کوئٹہ: دفتر حلقہ بندی اتھارٹی / ریجنل الیکشن کمشنر کوئٹہ ڈویژن کوئٹہ کے اعلامیہ کے مطابق الیکشن کمیشن آف پاکستان کی جانب سے جاری کردہ شیڈول کے مطابق ضلع کوئٹہ کی حلقہ بندی کمیٹی نے لوکل کونسلز (میٹرو پولیٹن کارپوریشن اور یونین کونسلز) کی حلقہ بندی کی ابتدائی فہرست جاری رکدی ہے۔
کوئٹہ: نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ نے کہا کہ قومی تحریک میں شامل ہر فرد ہمارے لئے قابل احترام ہے بلوچ اسٹوڈنٹس آرگنائزیشن کے کیڈرز قومی تشخص اور بقا پر کوئی سمجھوتہ کئے بغیر قومی و سیاسی و جمہوری عمل کا حصہ بن کر رہیں بلوچ طلبا قیادت کا ایک ساتھ ہونا اور قومی مسائل پر گفتگو کرنا ایک مثبت سیاسی پیش رفت ہے نیشنل پارٹی ہر سیاسی کارکن کی عزت کرتا ہے اور اس کی رائے کو اہمیت دیتا ہے۔
کوئٹہ : سینئر سیاستدان و سابق سینیٹر نوابزادہ حاجی میر لشکری خان رئیسانی نے کہا ہے کہ بلوچستان کے وسائل کسی سیاسی درباری کی ملکیت نہیں ،صوبے کے لوگوں کی ملکیت ہمارا قومی ورثہ ہیں ،جسے آئندہ نسلوں کی ترقی پر خرچ ہونا ہے، بالادست طبقے کے لیے گئے قرضے اتارنے کیلئے نہیں،بلوچستان کے لوگ اپنے قومی وسائل پر اختیار چاہتے ہیں قطعاًریکوڈک کے سودے کو قبول نہیں کریں گے، صوبائی اسمبلی کے اجلاس میں ریکوڈک کے معاملہ پر پراسرار خاموشی نے ریکوڈک کی لوٹ مار میں شامل لوگوں کو بے نقاب کیا ۔ یہ بات انہوںنے گزشتہ روز نجی ٹی وی کو انٹرویو دیتے ہوئے کہی۔
کوئٹہ: بلوچ اسٹوڈنٹس آرگنائزیشن کے مرکزی ترجمان نے وفاقی و صوبائی حکومت کی جانب سے حالیہ ریکوڈک معاہدے کو یکسر مسترد کرتے ہوئے اسے قومی وسائل کی لوٹ مار کا تسلسل قرار دیا ہے۔ ترجمان نے کہا ہے کہ اسلام آباد نے ہمیشہ بلوچ قومی وسائل ان کے حق حاکمیت کو تسلیم نہیں کیا ہے۔بلوچستان کے قدرتی وسائل کی لوٹ مار اور بیرونی کمپنیوں کے ساتھ ملکر بندربانٹ کا سلسلہ جاری ہے۔ دوسری طرف بلوچ قوم کو تعلیم،صحت سمیت دیگر بنیادی ضروریات زندگی سے محروم رکھا گیا ہے۔
کوئٹہ: پاکستان تحریک انصاف ضلع کوئٹہ کے رہنمائوں نے کہاہے کہ پارٹی کے پارلیمانی ارکان وزیراعظم عمران خان وژن آگے بڑھاتے ہوئے علاقے کوترقی کی راہ پرگامزن کررہے ہیں ،ڈپٹی اسپیکر قومی اسمبلی قاسم خان سوری الیکشن میں عوام سے کئے گئے وعدوں کی تکمیل کیلئے جدوجہد کررہے ہیں۔
کوئٹہ: وزیراعلیٰ بلوچستان میر عبدالقدوس بزنجو کی قیادت میں ریکوڈیک معاہدہ تاریخی کامیابی ہے۔ یہ بات بلوچستان عوامی پارٹی کے ترجمان و مرکزی سیکرٹری اطلاعات چوہدری شبیر نے پارٹی کے کاکنوں سے بات چیت کرتے ہوئے کہی۔