کوئٹہ: بلوچستان اسمبلی کے اجلاس میں صوبے کی شاہراہوں کو دور ویہ کرنے کے منصوبے کو وفاقی پی ایس ڈی پی میں شامل کروانے اور ان منصوبوں کے لئے رقم مختص کرنے کے لئے خصوصی کمیٹی قائم کردی گئی ،ایوان میں بلوچستان موٹر وہیکلز کا( ترمیمی ) مسودہ قانون پیش جبکہ ابلوچستان سروس ٹریبونل کا (ترمیمی ) مسودہ قانون منظور کرلیا گیا ۔

این سی او سی کے اجلاس میں بلوچستان سے پارلیمانی سیکرٹری صحت ڈاکٹر ربابہ خان بلیدی نے نمائندگی کی اجلاس میں ڈائریکٹر جنرل ہیلتھ سروسز ڈاکٹر علی ناصر بگٹی، کوویڈ سیل بلوچستان کے سربراہ ڈاکٹر نقیب اللہ نیازی، سیکرٹری ثانوی تعلیم بلوچستان شیر خان بازئی اور سیکرٹری ہائیر ایجوکیشن ہاشم غلزئی نے بھی آن لائن شرکت کی 

کوئٹہ: وزیراعلیٰ بلوچستان جام کمال خان نے کہا ہے کہ بلوچستان پاکستان کی ترقی کا اہم جز ہے وفاق میں بلوچستان کی بہتر اور صوبے کو توجہ دینے سے ملک میں بہتری اور ترقی آئیگی وزیراعظم عمران خان سے مطالبہ ہے کہ وفاقی کابینہ میں صوبے کے پانچ سے چھ وزیرشامل کئے جائیں ، اپوزیشن جماعتوں نے پی ایس ڈی پی کو عدالت میں چیلنج کر کے ہزاروں لوگوں کے روزگار اور صوبے کی ترقی کو روکنے کی کوشش کی ۔

کوئٹہ: سابق وزیراعلیٰ بلوچستان وچیف آف ساراوان نواب محمد اسلم رئیسانی نے کہاہے کہ حکمرانوں کی طرز حکمرانی کا موازنہ عوام بہتر کرسکتے ہیں ،ہم نے نیشنل فنانس کمیشن میں بلوچستان کا مقدمہ بہترانداز میں لڑا ،جاتے ہوئے 38ارب روپ چھوڑ کرگئے تھے ۔ان خیالات کااظہارانہوں نے اپنے ایک انٹرویو اور سماجی رابطے کی ویب سائٹ پر اپنے پیغام میں کیا۔

کوئٹہ: پشتونخواملی عوامی پارٹی کے سربراہ محمود خان اچکزئی نے کہاہے کہ افغان سرزمین جہاں دنیا کے ہرقوم کاخون بہا ہے لوگ بندوق سے ناواقف تھے لیکن آج افغانستان دنیا میں اسلحہ کی سب سے بڑی منڈی بنادی گئی ہے یہاں جاری جنگ جو 10سال میں ختم ہوسکتی تھیں لیکن ایک غلطی کی وجہ سے 40سال سے جاری ہے،دنیا میں ہمیں اس جانور جتنی اہمیت حاصل نہیں جو دنیا کہتی ہے کہ فلاں جانور کو نہ مارو اس سے دنیا کی خوبصورتی ختم ہوگی۔

کراچی: جوائنٹ ایکشن کمیٹی برائے انسانی حقوق نے مسنگ پرسن کمیشن کو محض خانہ پری قراردیتے ہوئے کہاہے کہ لاپتہ افراد کی بازیابی کے لیے گرینڈ پیپلز الائنس تشکیل دیا جائے اورپارلیمنٹ لاپتہ افراد کے معاملے پرکمیٹی بنائے،مقررین کا کہنا تھا کہ صوبائی خود مختاری مانگنے والوں کوغائب کیا جارہا ہے،آرٹیکل 6 آئین کو توڑنے یا کوشش کرنے میں ملوث شخص کو مجرم کہتا ہے۔

کوئٹہ+اندرون بلوچستان: صوبائی دارالحکومت کوئٹہ سمیت بلوچستان کے مختلف اضلاع میں گرج چمک کے ساتھ موسلادھار بارش آندھی طوفان اور ژالہ باری سے اوستہ محمد، ڈیرہ مرادجمالی تمبو لہڑی وگرد نواحاورناچ اور بیلا کے نواحی علاقوں میں طوفانی بارش کے ساتھ ژالہ باری ہزاروں ایکڑ پر کھڑی گندم کی فصلات سمیت دیگر فصلات تباہ اور مال مویشی بھی ہلاک اور کچے مکانات منہدم۔

  گوادر : سی پیک کے پارلیمانی کمیٹی کے اراکین کو زیر تعمیر گوادر پورٹ ایکسپریس وے کے متاثرہ علاقوں کا دورہ کرنے سے روک دیا گیا،سیکورٹی کلیئرنس ملنے کے بعد دورہ کرنے کی اجازت , کمیٹی کے اراکین ایکسپریس وے کی تعمیر کے دوران متاثرہ علاقوں کا دورہ کرنا چاہتے تھے 25 منٹ سے… Read more »

کوئٹہ: وزیراعلیٰ بلوچستان جام کمال خان کی زیر صدارت جمعہ کے روز منعقد ہونے والے اجلاس میں بلوچستان کوسٹل ڈویلپمنٹ اتھارٹی کے ترقیاتی منصوبوں کی پیشرفت اور دیگر اہم امور کا جائزہ لیاگیا۔ اجلاس میں وزیراعلیٰ کے پرنسپل سیکرٹری، سیکرٹری فنانس، سیکرٹری لوکل گورنمنٹ، سیکرٹری پی ایچ ای، سیکرٹری ماحولیات، سیکرٹری سیاحت، سیکرٹری روڈز اور سیکرٹری اطلاعات سمیت دیگر متعلقہ حکام نے شرکت کی۔

کوئٹہ: نیشنل پارٹی کے صدر سابق وزیر اعلی بلوچستان ڈاکٹر عبدالمالک بلوچ نے سینٹر میر کبیر محمد شہی کے اعزاز میں صوبائی جنرل سکریٹری خیربخش بلوچ کی جانب سے دیئے گئے عصرانے سے خطاب کرتے ہوئے کہاکہ میرحاصل خان بزنجو اور میر کبیر محمد شہی کی پاکستان ڈیموکریٹک موومنٹ کی تشکیل و جدوجہد میں نمایاں کردار رہا ہے بلوچستان کے اقابرین کی اصولوں پر مبنی سیاست کی وجہ سے ملک میں ایک عزت و احترام رہا ہے ۔