کوئٹہ: کوئٹہ سمیت بلوچستان بھر میں یوم عاشورہ کے موقع پرسیکورٹی کے لئے سخت حفاظتی انتظامات کر دیئے گئے یوم عاشورہ کے موقع پر 5ہزار سے زائد پولیس،ایف سی اور لیویز اہلکار تعینات ہونگے یوم عاشورہ کے موقع پر فوج کو سٹینڈ بائے رکھا جائے گا اور جلوس کی نگرانی ہیلی کاپٹر کے ذریعے کی جائے گی اور موبائل سروس بھی بند رہے گی۔

اسلام آباد: وزیراعظم عمران خان نے کراچی کے مسائل حل کرنے کے لیے وزیر قانون فروغ نسیم کی سربراہی میں کمیٹی تشکیل دے دی، کمیٹی مسائل حل کرنے کے حوالے سے سفارشات اور لائحہ عمل تیار کرے گی۔

کوئٹہ: ملک کے دیگر شہروں کی طرح کوئٹہ میں بھی سات محرم الحرام کا جلوس نکالا گیا اس موقع پر سیکورٹی کے سخت انتظامات کیے گئے تھے جلوس کے شرکاء کا مطالبات کے حق میں جنگشن چوک پر دھرنا تفصیلات کے مطابق ہفتہ کو کوئٹہ میں علم تعزیہ اور ذوالجناح کا جلوس دوپہراڑھائی بجے امام بارگاہ کلاں ہزارہ سے برآمد ہوا جلوس کے شرکا روایتی راستوں پر نوحہ خوانی اور ماتم کرتے رہے۔

مظفرآباد: وزیراعلیٰ بلوچستان جام کمال خان نے جمعہ کے روز آزاد کشمیر کے دارالحکومت مظفر آباد میں آزاد کشمیر کے صدر سردار مسعود خان سے ملاقات کی، اس موقع پر انہوں نے بلوچستان کے عوام اور حکومت کی جانب سے کشمیری عوام سے مکمل یکجہتی کااظہار کرتے ہوئے کہا کہ ملک کے دیگر صوبوں کی طرح بلوچستان کے عوام بھی مقبوضہ کشمیر کے عوام پر بھارتی ظلم وجبر کے خلاف موثر آواز بن چکے ہیں۔

راولپنڈی: آرمی چیف جنرل قمرجاوید باجوہ کا کہنا ہے کہ کشمیرتکمیل پاکستان کا نا مکمل ایجنڈا ہے اورپاکستان کشمیرکوکبھی بھی حالات کے رحم وکرم پرتنہا نہیں چھوڑے گا۔

کوئٹہ: کوئٹہ میں یکے بعد دیگر دو بم دھماکوں میں ایک ریسکیو اہلکار شہید دوایس ایچ اوزاور پانچ ا ہلکاروں میڈیا نمائندوں سمیت 12 افراد زخمی ہوگئے زخمی ہونے والوں میں چار کی حالت تشویشناک ہے،وزیر اعلی بلوچستان نے واقعہ کی رپورٹ طلب کرلی، ترجمان بلوچستان حکومت اور صوبائی وزیر داخلہ نے واقعہ پر افسوس کا اظہارکیا ہے۔ پولیس کے مطابق جمعرات کی شب کوئٹہ کے علاقے خیزی چوک پر واقع نجی ٹرانسپورٹ کمپنی کے دفتر میں پہلا دھماکہ ہوا۔

اسلام آباد: وزیراعظم عمران خان نے 6 ستمبر کو یوم دفاع کے ساتھ یوم یکجہتی کشمیر منانے کا فیصلہ کیا ہے۔

اسلام آباد: وزیراعظم عمران خان سے سعودی وزیر مملکت برائے خارجہ امور عادل الجبیر اور متحدہ عرب امارات کے وزیر خارجہ عبداللہ بن زاید بن سلطان النہیان نے ملاقات کی ہے۔

کوئٹہ: کوئٹہ میں سیکورٹی فورسز نے پانچ گھنٹے تک جاری رہنے والے آپریشن میں کالعدم عالمی دہشتگرد تنظیم کے چھ دہشتگردوں کو ہلاک کردیا جن میں ایک خاتون بھی شامل ہیں۔ فائرنگ کے تبادلے میں ایک پولیس اہلکار بھی شہید جبکہ پانچ زخمی ہوئے۔

کوئٹہ: وزیراعلیٰ بلوچستان جام کمال خان سے اپوزیشن لیڈر ملک سکندر خان ایڈووکیٹ کی قیادت میں کوئٹہ بار ایسوسی ایشن کے وفد نے یہاں ملاقات کی، صوبائی وزیر میر ظہور احمد بلیدی بھی اس موقع پر موجود تھے، وفد نے بار ایسوسی ایشن کو درپیش مسائل سے وزیراعلیٰ کو آگاہ کرتے ہوئے ان کے حل کی درخواست کی۔ وفد سے بات چیت کرتے ہوئے وزیراعلیٰ نے کہا کہ وکلاء معاشرے کا حساس، باشعور اور پڑھا لکھا طبقہ ہے۔