کوئٹہ: محکمہ تعلیم بلوچستان نے صوبے کے 4اضلاع کے 2سو 27اساتذہ کے تعیناتی کی منظوری دیدی ہے جبکہ 12اضلاع کے اساتذہ کی منظوری ایک ہفتے میں ہونے کا امکان ہے، آل بلوچستان سی ٹی ایس پی شارٹ لسٹڈ اساتذہ فورم کے جاری کیمپ کے شرکاء میں خوشی کہ لہر دوڑ گئی، احتجاج پر بیٹھے اساتذہ نے شارٹ لسٹڈ اساتذہ کے صدر رحمت اللہ یاسین زئی پر پھولوں کی پتیاں نچاور کرتے ہوئے مبارکباد دی۔
خان گڑھ: خان گڑھ‘ ڈیرہ غازی خان‘ راجن پور بلوچستان کے اٹوٹ انگ ہیں انہیں بلوچستان میں شامل کیا جائے بلوچستان قوم کو متحد و منظم کرنے کی جدوجہد سردار اختر جان مینگل کی قیادت میں جاری ہے تاریخ‘ ثقافتی بنیادوں پر صوبوں کی از سر نو تشکیل کی جائے ان خیالات کا اظہار ضلعی کنونشن جیکب آباد (خان گڑھ) سے خطاب کرتے ہوئے پارٹی کے مرکزی سیکرٹری اطلاعات کنونشن کے مہمان خاص آغا حسن بلوچ ایڈووکیٹ‘ اعزازی مہمان مرکزی فنانس سیکرٹری ایم پی اے ملک نصیر شاہوانی‘ مرکزی کمیٹی کے ممبر میر خورشید جمالدینی‘ میر نذیر احمد کھوسہ‘ عبدالغفور مینگل‘ ضلعی صدر گلاب خان مینگل نے خطاب کرتے ہوئے کیا۔
کوئٹہ: بلوچستان میگا کرپشن کیس میں نامزد ملزم سابق سیکرٹری خزانہ مشتاق رئیسانی کی سالی نے برآمد شدہ سونے کی ملکیت کے حوالے سے عدالت میں بیان قلمبند کر وا دیا۔ پیر کو بلوچستان میگا کرپشن کیس کی سماعت احتساب عدالت ون کے جج منور شاہوانی نے کی سماعت میں سابق مشیرخزانہ میر خالد لانگو اور سابق سیکریٹری خزانہ مشتاق رئیسانی عدالت میں پیش ہوئے۔
کوئٹہ: جمعیت علمااسلام کے مرکزی رہنما سنیٹر حافظ حمداللہ نے کہا ہے کہ این آر او زدہ چہروں پر مشتمل حکومت دوسروں کو کیا این آر او دے گی آج اپوزیشن نہیں حکومت این آر او کی بھیک مانگ رہی ہیں حکومتی وزرا کی اپوزیشن کے کامیاب جلسوں کے بعد چیخ و پکار سے اندازہ ہو رہا ہے کہ تیر ٹھیک نشانے پر جالگا ہے ان خیالات کا اظہار انہوں نے ہری پور میں جمعیت علما اسلام کے زیر اہتمام ختم نبوت کانفرنس سے خطاب کرتے ہوئے کہی کانفرنس سے مجلس تحفظ ختم نبوت کے مرکزی امیر حضرت مولانا اللہ وسایا اور دیگر علمائے کرام نے بھی خطاب کیا انہوں نے کہا کہ یہ کرونا وائیرس بھی عجیب ہے۔
سوراب:کوئٹہ کراچی قومی شاہراہ پر گرگٹ کے مقام پر ٹریفک حادثہ ایک شخص جاں بحق تفصیلات کوئٹہ کراچی قومی شاہراہ پر گرگٹ کے مقام پر موٹر سائیکل اور ٹرک میں تصادم کے نتیجے میں یار محمد نامی شخص جاں بحق جبکہ ان کی اہلیہ زخمی، جان بحق شخص کا تعلق نیمرغ قلات سے بتایا جاتا ہے، نعش اور زخمی کو ڈسٹرکٹ ہیڈ کوارٹر اسپتال سوراب منتقل کردیا گیا ہے جہاں زخمی خاتون کو ابتدائی طبی امداد دینے کے بعد مزید علاج کے لئے کوئٹہ منتقل کر دیا گیا۔
کوئٹہ: بلوچستان عوامی پارٹی کے مرکزی سیکرٹری جنرل سینٹر منظور احمد کاکڑ سے بلوچستان عوامی پارٹی کے سینئر نائب صدر سابق وزیر میر عبدالکریم نوشیروانی اور میر شعیب نوشیروانی سے نوشیروانی ہاؤس میں ملاقات کیاجس میں پارٹی کے مرکزی رہنماؤں نے پارٹی امور سے متعلق تبادلہ خیال کیا بلوچستان عوامی پارٹی کے مرکزی سیکرٹری جنرل سینٹر منظور احمد کاکڑ نے کہا کہ میر عبدالکریم نوشیروانی اور میر شعیب نوشیروانی کے پارٹی اور عوامی خدمات ناقابل فراموش ہیں۔
کوئٹہ:بلوچستان نیشنل پارٹی جھل مگسی کاضلعی کونسل اجلاس بنام شہیدنواب امان للہ خان زہری منعقدہوا جس کی صدارت صدرجھل مگسی سیدننگرشاہ نے کی جس کے مہمان خاص بی این پی کے مرکزی کمیٹی کے ممبرایم این اے حاجی میرمحمدہاشم نوتیزئی اعزازی مہمان خاص سی سی ممبرچئیرمین جاویدبلوچ تھے اجلاس میں سیکرٹری رپورٹ سیاسی وتنظیمی امورتنقیدی اصلاحی نشست اورضلعی الیکشن کا ایجنڈارکھے گئے۔
کوئٹہ: بلوچستان نیشنل پارٹی کے پارلیمانی لیڈر ملک نصیر شاہوانی نے کہا ہے کہ بلوچ پشتون عوام مل کر اپنے حقوق کے لئے جدوجہد جاری رکھیں گے، بلوچستان کی ترقی کے لئے قوم پرست اور حقیقی جمہوری قوتوں نے بڑی قربانیاں دی ہیں، بی این پی صوبے کی عوام کے حقوق کے لئے ہر فورم پرصدا ئے حق بلند کر تی رہے گی۔ ان خیالات کا اظہار انہوں نے مختلف وفود سے بات چیت کرتے ہوئے کیا۔
کوئٹہ: پاکستان پیپلزپارٹی بلوچستان کے صدر میر علی مدد جتک نے کہا ہے کہ پارٹی چیئرمین بلاول بھٹو نے وفاقی حکومت کے خاتمے کا اعلان کردیا ہے، ہم کووڈ 18سے لڑ رہے ہیں جو ملک و قوم کے لئے کووڈ 19سے زیادہ خطرناک ہے، اگر وفاقی حکومت کورونا وائرس کے خاتمے کے لئے سنجیدہ ہے تو پہلے وفاقی کابینہ اور نااہل حکومت کی جانب سے جلسے و جلوس پر پابندی لگائے، وفاقی حکومت کے خلاف پی ڈی ایم کے جلسے و جلوس جاری رہیں گے۔
وزیر اعلیٰ سندھ مراد علی شاہ کے مشیر برائے سماجی بہبود اعجاز شاہ شیرازی کو طبیعت ناساز ہونےکے باعث اسپتال منتقل کردیا گیا۔