وڈھ: بی ایس او کے مرکزی ترجمان نے اپنے جاری کردہ بیان میں کہا ہے کہ بلوچستان میں اس وقت شرح ناخواندگی 60 فیصد سے بھی اوپر ہے اور تقریبا بلوچستان کی 80 فیصد آبادی سطح غربت کی لکیر سے نیچے زندگی گزار رہی ہے۔ ایسے بحرانی صورتحال میں تعلیمی اداروں کی بحالی میں غفلت یقیناً بلوچ قوم دشمنی کی انتہا ہے اور ایسے وقت میں تعلیمی اداروں کے بندش کی سازشیں اور پالیسیاں یقیناً کسی المیے سے کم نہیں بلکہ یہ قومی جرائم کے زمرے میں آتا ہے۔
کوہلو: سانحہ گیس سلنڈر واقعہ پر حکومتی ناہلی،زخمیوں کو بروقت بہتر طبی سہولتوں کی عدم فراہمی اور صوبائی حکومت کی جانب سے امداد کے نام پر متاثرہ خاندانوں سے مذاق کرنے کے خلاف کوہلو میں آل پارٹیز سراپا احتجاج،شہر میں ریلی نکالی اور جلسہ عام منعقد کیا ریلی پریس کلب کوہلو سے برآمد ہوئی جو شہر کے مختلف راستوں سے ہوتے ہوئے ٹریفک چوک پر آکر مظاہرے کی شکل اختیار کرگئی شرکاء نے بینرز اور پلے کارڈز اٹھا رکھے تھے۔
گنداواہ: صوبائی وزیر آبپاشی نوابزادہ طارق خان مگسی نے کہا ہے کہ عوام کو سہولیات دینا محکمہ صحت کی ذمہ داری ہے ڈاکٹر کا بھی فرض بنتا ہے مریضوں کو بہتر ادویات فراہم کریں۔ان خیالات کا اظہار انھوں نے آر ایچ سی جھل مگسی میں دیے گئے سولر پلانٹ سسٹم کے افتتاح کرنے کے موقع پر میر یوسف عزیز مگسی پریس کلب کے صحافیوں سے بات چیت کرتے ہوئے کیا۔
کوئٹہ: سابق صوبائی وزیر و پاکستان پیپلزپارٹی کے سابق صوبائی صدر میر صادق عمرانی نے کہا ہے کہ عوام ووٹ بادشاہت قائم کرنے کے لئے بلکہ اپنے مسائل حل کرانے کے لئے دیتے ہیں، حکومت فوری طور پر اوستہ محمد گنداخہ بنیادی حقوق تحریک دو کے آئینی مطالبات کو تسلیم کرتے ہوئے اوستہ محمد سے کوئٹہ تک پیدل لانگ مارچ کرنے والوں کو باعزت اپنے علاقے میں روانہ کیا جائے۔
کوئٹہ: پاکستان مسلم لیگ(ن) کے صوبائی جنرل سیکرٹری و سابق اسپیکر جمال شاہ کاکڑ نے کہا کہ پی ڈی ایم کے یکے بعد دیگرے کامیاب جلسوں سے ثابت ہوگیا ہے کہ عوام پی ڈی ایم اے کے ساتھ ہے حکومت عوامی رائے کا احترام کرتے ہوئے اخلاقی طور پر مستعفی ہوجائے، ملک میں جمہوریت کی بحالی، آئین کی بالا دستی،عوامی مسائل کے حل اور حقوق کے حصول تک پی ڈی ایم اپنے مشن پر کاربند رہے گی۔
تربت: زخمی خاتون علاج کے لیے تڑپتی رہی، ٹیچنگ ہسپتال کے ڈاکٹر نہ پہنچ پائے۔گزشتہ شب ہوشاپ سے تعلق رکھنے والی شیرین بنت ملنگ نامی خاتون کو گھر میں بھری لگ گئی جسے علاج کے لیے تربت لایا گیا جہاں پرائیویٹ ہسپتالوں نے مریضہ کو داخل کرنے سے انکار کیا جس کے بعد اہل خانہ زخمی خاتون کو ٹیچنگ ہسپتال تربت لے گئے لیکن کئی گھنٹے گزرنے کے باوجود جبکہ خاتون کے زخم سے خون آنا بند نہیں ہورہا۔
کوئٹہ: پارلیمانی سیکرٹری اطلاعات بشریٰ رند نے کہا ہے کہ عوام کی جانب سے کورونا وائرس کے خلاف تمام اسٹینڈرڈ آپریٹنگ پروسیجرز (ایس او پیز) کو لاپرواہی سے نظرانداز کرکے اجتماعی غلطی کی جارہی ہے جس کے نتائج شرح اموات میں اضافے کی صورت میں نظر آنا شروع ہوگئے ہیں۔موجودہ صورتحال میں جلسے جلوس کرنے والے کورونا سے متعلق عدالتی فیصلے کی حکم عدولی کررہے ہیں ۔
حب: بلوچ اسٹوڈنٹس آرگنائزیشن(پجار) حب زون کا سینئر باڈی اجلاس مرکزی جونیئر وائس چیئرمین گورگین بلوچ کی زیر صدارت منعقد ہوا اجلاس کے مہمان بلوچستان وحدت کے نائب صدر مرید بلوچ تھے اجلاس میں سیاسی صورتحال،تنظیمی امور کے ایجنڈے زیر بحث رہے اجلاس میں حب زون کی آرگنائزنگ کمیٹی تشکیل دی گئی ۔
کوئٹہ: بسیمہ میں دو گاڑیوں میں ٹکر کے نتیجے میں تین افراد جاں بحق جبکہ دو زخمی ہوگئے، لیویز کے مطابق ہفتہ کی رات بسیمہ میں قومی شاہراہ پر ایرانی ڈیزل سے لدی گاڑی مخالف سمت سے آنے والی گاڑی سے ٹکرا گئی جس کے نتیجے میں تین افراد جاں بحق جبکہ دو زخمی ہوگئے لیویز نے لاشوں اور زخمیوں کو ہسپتال منتقل کردیا جہاں زخمیوں کی حالت تشویشناک بتائی جارہی ہے مزید کاروائی جاری ہے۔
کوئٹہ: ترجمان حکومت بلوچستان لیاقت شاہوانی نے کہا ہے کہ اپوزیشن جماعتوں کے کارکن کورونا وائرس سے بچاؤ کی احتیاطی تدابیر پر عملدآمد نہیں کریں گے کوئٹہ میں جلسے کے بعد وائرس کی شرح میں اضافہ ہوا اب ایک پھر یہاں سے لوگ جلسے میں شرکت کے لئے جارہے ہیں، اپوزیشن بغض حکومت میں کورونا وائرس کے خلاف احتیاط نہیں کر رہی، صوبے میں وائرس کے پھیلاؤ کی شرح ساڑھے چھ فیصد سے بڑھ گئی ہے۔