کوئٹہ: شہید نواب غوث بخش رئیسانی میموریل اسپتال مستونگ میں ڈائلیسز سنٹر کا افتتاح کیا گیا۔ ڈائلیسز سنٹر کا افتتاح ہسپتال کے ڈپٹی چیف ایگزیکٹو آفیسر ڈاکٹر داد محمد خواجہ خیل نے کیا، اس موقع پر کوآرڈینیٹر ڈائلیسز سینٹر بلوچستان ڈاکٹر شوکت علی، ڈائلیسز ٹیکنالوجسٹ حاجی نذیر احمد گچکی، ڈائلیسز انجینئر محمد سلمان، ایم او ڈاکٹرخلیل احمد ترین اور دیگر ڈائلیسز ٹیکنیشنز بھی موجود تھے۔
حب: وزیراعلیٰ بلوچستان کے کوآرڈینییٹر برائے ساحلی ترقی میر عبدالروف رند نے کہا ہے کہ 21 نومبر ماہی گیروں کا عالمی دن آج ہم سب اپنے ماہی گیروں کو خراج تحسین پیش کرنے کیلئے مناتے ہیں بلوچستان کے ماہی گیروں اور شعبہ ماہی گیری کی بہتری کیلئے حکومت بلوچستان اہم ترین اقدامات کررہی ہے ساحلی علاقوں کی ترقی کیلئے بلوچستان حکومت کی جانب سے ایک بلین روپے مختص کئے ہیں۔
ٹنڈوالہ یار: گذشتہ دنوں ٹنڈوالہیار میں قتل ہونے والے سندھ ترقی پسند پارٹی کے مرکزی رہنما الطاف جسکانی کے قتل پر اندرون سندھ میں مکمل شٹر ڈاؤن ہڑتال رہی،نماز جنازہ ٹنڈوالہیار میں ادا کی گئی ڈاکٹر قادر مگسی،نیاز کالانی،پنہل ساریو سمیت ہزاروں افرار کی شرکت،واضح رہے گزشتہ روز سندھ ترقی پسند کے وائس چیئرمین الطاف جسکانی قاتلانہ حملے میں جاں بحق ہو گئے تھے۔
کوئٹہ: وفاقی ڈپٹی سیکرٹری اینٹی نارکورٹکس علی اصغر، پاکستان سول سوسائٹی کے مرکزی چیئرمین اکمل اویسی و دیگر نے کہا ہے کہ بلوچستان میں منشیات کا ناسور پھیل چکا ہے، منشیات کی پالیسی کے لئے قومی پالیسی بنانے کی ضرورت ہے، 19اور 20نومبر کو کوئٹہ میں انسداد منشیات کی پاکستان پانچویں قومی کانفرنس کا انعقاد کیا جارہا ہے،کانفرنس کے سفارشات کو وفاقی حکومت کے سامنے پیش کئے جائیں گے۔
لاہور: تحریک انصاف کے سینئر رہنما بابر اعوان نے کہا ہے کہ ن لیگ پر پابندی لگ سکتی ہے۔ نجی ٹی وی سے گفتگو کرتے ہوئے بابر اعوان کا کہنا ہے کہ مریم نواز کی جانب سے حکومت گرانے کی بات غیر آئینی ہے۔ غیر آئینی طریقے سے حکومت گرانے کی باتیں معمولی نہیں ہیں، یہ بات ان کی جماعت پر پابندی عائد کر دیے جانے تک جا سکتی ہے۔ یاد رہے کہ مریم نواز نے کچھ روز قبل ایک جلسے میں بات کرتے ہوئے کہا تھا کہ اسٹیبلیشمنٹ سے بات ہو سکتی ہے۔
کوئٹہ: جمعیت علماء اسلام کے صوبائی امیر مولانا عبدالواسع نے وفاقی حکومت کی جانب سے کورونا وائرس کی آڑ میں پی ڈی ایم کے جلسوں پر پابندی کی مذمت کرتے ہوئے کہا ہے کہ گلگت بلتستان کے انتخابات کے موقع پرخود حکمرا نوں نے ایس او پیز کوخاطر میں لا ئے بغیر عوامی اجتما عات اور جلسے کئے مگر اب کورونا وائرس کی وبا ء کے پھیلا ؤ کا کہہ کر اپوزیشن جما عتوں کے اتحاد پا کستان ڈیمو کریٹک موومنٹ کے جلسوں کو محدود کرنے کی کوششیں کی جا رہی ہیں۔
کوئٹہ: سابق وزیر اعلی بلوچستان و چیف آف ساراوان نواب محمد اسلم رئیسانی نے مطالبہ کیا ہے کہ خان آف قلات کے ساتھ قائد اعظم کے دستخط سے standstill agreement پر عملدرآمد کیا جائے۔ سماجی رابطے کی ویب سائٹ ٹوئٹر پر اپنے جاری کردہ بیان میں نواب محمد اسلم رئیسانی نے کہا کہ پاکستانی حکمرانوں کا موقف. اسرائیل کو تسلیم نہ کرنا محمد علی جناح کی قول فلسطین سے وابستہ ہے۔
کوئٹہ: پبلک اکاؤنٹس کمیٹی نے سیندک لیز معاہدے کو آئین کے برخلاف قراردیتے ہوئے کہاہے کہ 18ویں ترمیم کے تحت معاہدہ صوبے کے دائرہ اختیار میں آتاہے،بدقسمتی سے سونا اور چاندی اگلنے والے علاقے کی عوام آج بھی بنیادی ضروریات سے محروم ہیں ایسا نہیں لگتا کہ مذکورہ علاقے میں اربوں روپے کا پروجیکٹ چل رہاہو۔ اگر سونے اور چاندی کے پروجیکٹس نقصان میں ہیں۔
کوئٹہ: زمیندار ایکشن کمیٹی کے چیئرمین ورکن صوبائی اسمبلی ملک نصیراحمدشاہوانی،جنرل سیکرٹری ملک عبدالرحمن بازئی،کاظم خان،سیدقہار آغا،افضل بنگلزئی،نوراحمدبلوچ،حاجی ولی محمد ودیگرنے اپنے جاری کردہ بیان میں کہاہے کہ کیسکو کے آپریشنل ڈائریکٹر نے بار ہا رابطہ کیاہے کہ کیسکو کو سبسڈی کی عدم ادائیگی کی صورت میں بجلی کی فراہمی کو کم کرکے 2گھنٹے کیاجائے گا۔
کوئٹہ: صوبائی وزیر تعلیم سردار یار محمد رند سے آل بلوچستان سی ٹی ایس پی شارٹ لسٹڈ ٹیچرز فورم کے رہنماؤں نے ملاقات کی، ملاقات میں صوبائی و زیر نے 4اضلاع کے شارٹ لسٹڈ اساتذہ کے تعیناتی کے آرڈرز آج جمعہ تک جبکہ 14اضلاع کے ایک ہفتے میں اور دیگر اضلاع کی لسٹیں ملنے کے بعد جاری کرنے جانے کی یقین دہانی کرائی۔