کابل: افغانستان کے صوبے ہلمند میں فوجی بیس پر خود کش حملے آور نے بارود سے بھری کار ٹکرا دی جس کے نتیجے میں 18 اہلکار ہلاک اور 25 سے زائد زخمی ہیں۔

ابوظہبی: عالمی کمیٹی برائے انسانیت نے گزشتہ روز ایک اعلامیے میں دنیا بھر کے تمام مذاہب سے تعلق رکھنے والے افراد سے اپیل کی ہے کہ وہ 14 مئی کے روز اپنے اپنے عقیدے کے مطابق یومِ دعا منائیں تاکہ کورونا وائرس کی عالمی وبا کا خاتمہ ہوسکے۔

مشی گن: امریکا میں ایک گاہک کے بغیر ماسک لگائے سپر اسٹور میں داخل ہونے کی کوشش کے دوران تلخ کلامی پر سیکیورٹی گارڈ نے فائرنگ کرکے گاہک کو ہلاک کردیا۔

کولاراڈو: امریکی ریاست کولاراڈو میں گھریلو طور پر تیار کردہ چھوٹا طیارہ مرکزی شاہراہ پر گر کر تباہ ہونے سے پائلٹ ہلاک ہوگیا۔

دنیا میں کوروناوائرس کے متاثرین کی تعداد 35لاکھ 53 ہزار سے تجاوز کر گئی اور  اموات ڈھائی لاکھ تک جا پہنچی ہیں جب کہ ساڑھے 11 لاکھ سے زائد مریض صحت یاب ہوچکے ہیں۔

لاطینی امریکی کے ملک وینزویلا کی حکومت نے کہا ہے کہ اس نے کولمبیا کے ’کرائے کے سپاہیوں‘ کے ذریعے سمندری حملے کی ایک کوشش کو ناکام بنا دیا ہے۔

خبر رساں ادارے اے پی کی ایک خبر میں کہا گیا ہے کہ امریکہ کے ادارے ہوم لینڈ سکیورٹی کی لیک ہونے والی ایک رپورٹ کے مطابق امریکی حکام سجھتے ہیں کہ چین نے عالمی وبا کے دوران ’جان بوجھ کر صورتحال کی شدت پوشیدہ رکھی۔‘

خبر رساں ادارے روئٹرز کے مطابق برطانیہ کے سیکریٹری دفاع نے کہا ہے کہ چین کو اس حوالے سے معلومات دینی پڑے گی کہ ناول کورونا وائرس کیسے پھیلا اور اس دوران اس نے وائرس کی روک تھام کے لیے کیا کردار ادا کیا۔

یورپی ممالک کے رہنماؤں نے ایک منصوبے کے لیے اپنی حمایت کا اعلان کیا ہے جس کے تحت ویکسین کی تیاری کے لیے 8.3 ارب ڈالر کی فنڈنگ جمع کی جائے گی۔

کابل: افغانستان میں سماجی کارکنوں اور انسانی حقوق کے لیے کام کرنے والے شہریوں نے سوشل میڈیا پر ایک فوٹیج پوسٹ کی ہے جس میں 23 افغان پناہ گزینوں کی لاشیں دکھائی گئی ہیں۔ میڈیارپورٹس کے مطابق ذرائع کا کہنا تھا کہ یہ لاشیں ان 56 مقتول پناہ گزینوں میں شامل لوگوں کی ہیں جنہیں چند روز قبل ایرانی بارڈر پولیس نے غیرقانونی طورپرملک میں داخل ہونے کے بعد قتل کردیا تھا۔