خضدار: حب سے خضدار آنے والی مسافر ویگن ڈرکھالہ کے قریب اگلا ٹائر برسٹ ہونے کی وجہ سے ڈرائیور سے بے قابو ہو کر الٹ گئی جس کے نتیجے میں ایک شخص غلام مصطفی ساکن حب چوکی موقع پر جاں بحق اورخواتین و بچوں سمیت پندرہ مسافر زخمی ہو گئے ۔
لورالائی: چیئرمین وزیر اعلیٰ انسپکشن ٹیم عبدالرحمن بزدار نے کہا ہے کہ ہر علاقے کی ترقی کادارو مدارمواصلات کے نظام سے وابسطہ ہے۔
کوئٹہ: بلوچستان عوامی پارٹی کے بانی و سینیٹرسعید احمد ہاشمی کے صاحبزادے و پارٹی کے مرکزی ایڈیشنل جنرل سیکرٹری سید حسنین ہاشمی نے پاکستان پیپلزپارٹی میں باقاعدہ شمولیت کا اعلان کردیا۔ یہ اعلان انہوں نے ہفتہ کو پاکستان پیپلزپارٹی بلوچستان کے صدر میر چنگیز خان جمالی ،جنرل سیکرٹری روزی خان کاکڑ،سیکرٹری اطلاعات سردارسربلند جوگیزئی سے ملاقات کے دوران کیا۔
کوئٹہ: جماعت اسلامی بلوچستان کے جنرل سیکرٹری اور حق دو تحریک گوادر کے سربراہ مولانا ہدایت الرحمٰن بلوچ نے کہا ہے کہ بلوچستان محرومیوں نہ انصافی اور لٹیروں کے ظلم و جبر کا شکار ہے ہماری جدوجہد پاکستان ، سی پیک، چین یا کسی ملک کے خلاف نہیں ہم ظالم لٹیروںکے خلاف اور مظلوموں کے ساتھ ہیں اس تحریک میں خواتین اور نو جوانوں نے بھر پور ساتھ دیا ہے ۔
کوئٹہ: پاکستان تحریک انصاف کے مرکزی رہنماء احسان اللہ خاکسار نے پی ٹی آئی سے اپنی راہیں جداکرنے کا اعلان کر تے ہوئے کہا کہ 9مئی کے واقعات سے ملک کو نقصان پہنچا ہے ، پی ٹی آئی میں شمو لیت ملک کے دشمنوں کو خوش کر نے کے لئے نہیں کی تھی ، مجھ پر کسی قسم کا دبائو نہیں میں ایک محب الوطن شہر ی ہوں۔
تربت: بارڈر عوامی تحریک کے زیراہتمام جمعیت علما اسلام کیچ کے تعاون سے خالد ولید سیفی کی سربراہی میں تربت میں ڈینگی وائرس کے بڑھتے ہوئے کیسز، ایرانی سرحد پر کاروبار میں رکاوٹ، تربت میں بجلی کی لوڈشیڈنگ اور کیچ سٹی پروجیکٹ کی عدم تکمیل کے خلاف تربت پریس کلب کے قریب احتجاجی کیمپ لگایا گیا ہے، کیمپ میں جمعیت علماء اسلام کی قیادت اور کارکنان موجود ہیں۔
آواران : سپریٹنڈنٹ آف پولیس مرید احمد بگٹی نے ایس ایچ او گیشکور داد محمد میروانی کے ہمراہ پریس کانفرنس کرتے ہوئے کہا کہ 15مئی 2023کو آواران کے سب تحصیل گیشکور میں ایک خاتون ٹیچر نجمہ بی بی نے خودکشی کی تھی۔
کوئٹہ : نیشنل پارٹی کے صوبائی صدر میررحمت صالح بلوچ نے کہا ہے کہ بلوچستان حکومت میں میرٹ کی دھجیاں اڑائی گئی ہے تمام محکموں میں آسامیوں کو فروخت کیا جارہا ہے اور بے روزگار نوجوانوں کو میرٹ کی بنیاد پر روزگار کی فراہمی ناممکن بنادی گئی ہے ۔
کوئٹہ: بلوچستان عوامی پارٹی کے مرکزی رہنما و سینیٹر کہدہ بابر نے بلوچستان حکومت کی جانب سے ضلع گوادر کو ٹیکس فری زون قرار دینے کو خوش آئند قرار دیتے ہوئے کہا ہے کہ وفاقی حکومت بھی گوادر کو ٹیکس فری زون کرار دے تاکہ اس پالیسی سے بلوچستان کو ثمرات حاصل ہو سکیں اگر وفاق نے صوبائی حکومت کی طرح گوادر کو ٹیکس فری زون قرار نہ دیا اور اپنا ٹیکس معاف نہ کیا تو پھر صوبے کو یہ اقدام اٹھانے کا کوئی فائدہ نہیں ہوگا بلوچستان پہلے ہی پسماندہ ہے۔
خضدار: بلوچستان نیشنل پارٹی (عوامی) کے مرکزی ہیومن سیکرٹری نوابزادہ میر ضیاء اللہ خان زہری نے کہا ہے کہ ہماری جماعت بی این پی عوامی کو یہ اعزاز ضرور حاصل ہے کہ اس پارٹی کی تشکیل نو بلوچ عوام کی اجتماعی سوچ و نظریئے سے وجود میں آچکی ہے اور بلوچ عوام ہی اس جماعت کا براہِ راست وارث ہے حقیقی قوم پرست جماعت کا اعزار بی این پی (عوامی) کو حاصل ہے کہ جس میں نہ میراثیت ہے اور نہ ہی کسی بھی بڑے متعبر کا قبضہ ہے ۔