کوہلو: ڈپٹی کمشنر کوہلو قربان مگسی نے ونگ کمانڈر میوند رائفل لیفٹیننٹ کرنل مقتدیٰ حسین کے ہمراہ سب تحصیل گرسنی کا دورہ کیا۔جہاں انہوں نے کھلی کچہری کا انعقاد کیا اس موقع پر عمائدین و عوام نے علاقے کے بنیادی مسائل صحت ،تعلیم ،پانی و دیگر مسائل کو بھرپور طریقے سے اجاگر کیا۔
کوہلو: کوہلو میں ماہ صیام سے قبل مہنگائی کا جن بے قابو کر بوتل سے باہر نکل گیا مہنگائی سے عوام کی چیخیں نکل گئی۔تفصیلات کے مطابق ضلع کوہلو میں یوں تو سال بھر ڈیلر مافیہ اور تاجروں کی من مانی کے سامنے پرائس کنٹرول کمیٹی بے بس نظر آتی ہے مگر اب باقاعدہ ماہ صیام سے قبل سبزی،پھل،گوشت اور اشیاء خوردنی کی قیمتوں میں اضافہ کرکے رمضان کے بابرکت ماہ میں مہنگائی کا تیزتلوار عوام کے گردن پر رکھ دیا ہے جس سے شہر بھر میں اچانک سبزی،پھل،گوشت، دالیں، چاول،گھی،چینی سمیت دیگر اشیاء کے نرخ بڑھ گئے ہیں۔
مستونگ: بلوچستان میں زمینداروں کے عین سیزن کے موقع پر بجلی کی 22گھنوں کی لوڈشیڈنگ ، زمینداروں کے معاشی قتل کے خلاف بلوچستان کے زمیندار تنظیموں زمیندار ورکرزکمیٹی، زمیندار کسان اتحاداور زمیندار ایکشن کمیٹی کا مشترکہ اجلاس پرنس آغا لعل جان احمدزئی کے زیر صدارت سراوان پریس کلب میں منعقد ہوا۔
دالبندین : دالبندین میں بابائے چاغی پینل،الفتح پینل،بڑیچ پینل چاغی کے سرکردہ رہنماوں میر قادر بخش محمد حسنی ،حاجی عنایت اللہ نوتیزئی ،حاجی عرض محمد بڑیچ نے اپنے مشترکہ سینکڑوں حامیوں کے ہمراہ دالبندین پریس کلب میں ایک پرہجوم پریس کانفرنس سے خطاب کرتے ہوئے کہا راجئے بارڈرز کو ہر قسم کی سیاسی مداخلت سے پاک کرکے لوگوں کو آزادانہ کاروبار کرنے دیا جائے۔
دالبندین : سابق مشیر بی اے پی کے مرکزی رہنما میر اعجاز خان سنجرانی اپنے ایک جاری کردہ بیان میں کہا ہے ریکوڈک پروجیکٹ بلوچستان کے تعمیر و ترقی کے لیے ایک گیم چینجر ثابت ہوگا جس کی تمام تر سر میر عبد القدوس بزنجو کو جاتا ہے ریکوڈک معاہدہ سے چاغی سمیت بلوچستان بھر… Read more »
مستونگ: پٹی کمشنر مستونگ سلطان بگٹی نے احساس کفالت پروگرام کے دفتر اور فٹ سال گراونڈ کا دورہ کیا اس موقع پر ان کے ہمراہ اسسٹنٹ کمیشنر مستونگ عطاالمنعم اسپورٹس آفیسر عبدالغفور بابر پی ایس ٹو ڈی سی بابو بشیر سرپرہ اور دیگر بھی تھے۔
ڈیرہ اللہ یار: ڈپٹی کمشنر جعفرآباد رزاق خان خجک کی زیر صدارت اعلیٰ سطح کے اجلاس میں فیصلہ کیا گیا کہ ماہ رمضان المبارک میں سحری اور افطاری کے اوقات کار میں بجلی کی لوڈشیڈنگ نہیں کی جائیگی۔
خضدار: کمشنر قلات ڈویژن دائود خان خلجی نے کہا ہے کہ امن وامان پر سمجھوتہ نہیں کیا جاسکتا عوام کی جان ومال کا تحفظ اولین ترجیح ہے شاہ بلاول نورانی کی عرس مبارک کے موقع پر زائرین کو فول پروف سیکورٹی اور دیگر سہولتیں فراہم کی جائینگی۔
ژوب: پارلیمانی سیکرٹری مائنز اینڈ منرل حاجی مٹھا خان کاکڑ،ڈپٹی کمشنر محمد رمضان پلال،چیف آفیسر محمد سلیم اچکزئی،سردار ناصر خان ناصر، مولوی قطب الدین خوستی۔اتحاد نوجوانان کے سمیع اللہ مندوخیل،عبداللہ جان کاکڑ ودیگر میونسپل کمیٹی ہال میں ایک کروڑ 43 لاکھ روپے کی لاگت نئے مشنری کے افتتاحی تقریب سے خطاب کرتے ہوئے کہا کہ ژوب کی آبادی ساڑھے چار لاکھ تک پہنچ چکی ہے شہر کی صفائی ستھرائی کا نظام میونسپل کمیٹی پر کھڑا ہے جدید مشینری سے شہر کی صفائی ستھرائی میں مددگار ثابت ہو گی۔
ڈیرہ اللہ یار: پولیس تھانہ ڈیرہ اللہ یار کے حدود میں دو مختلف واقعات میں دو خواتین کو موت کے گھاٹ اتار دیا گیا جبکہ گولیاں لگنے سے ایک شخص زخمی ہوا ہے جھڈیر شاخ کے علاقے گوٹھ ارسلان جکھرانی میں ملزم شوہر نے مبینہ سیاہ کاری کے الزام میں اپنی بیوی شاد بخت اور قریبی رشتہ دار غلام مرتضیٰ جکھرانی پر آتشی اسلحہ سے فائرنگ کردی۔