کوئٹہ: چیف سیکریٹری بلوچستان کیپٹن ریٹائرڈ فضیل اصغر کی زیر صدارت موسم سرما میں ہنگامی صورتحال سے نمٹنے سے متعلق امور کا جائزہ اجلاس منعقد ہوا۔ اجلاس میں برفباری میں قومی شاہراہوں کی بحالی اور متاثرہ علاقوں میں امدادی سامان کی فراہمی و ترسیل کے انتظامات کا جائزہ لیا گیا۔
کوئٹہ: بلوچستان اسمبلی میں اپوزیشن لیڈرملک سکندر خان ایڈووکیٹ،بلوچستان نیشنل پارٹی کے پارلیمانی لیڈر ملک نصیر احمد شاہوانی،پشتونخوا ملی عوامی پارٹی کے پارلیمانی لیڈنصر اللہ زیرے نے وزیراعلیٰ بلوچستان جام کما ل کے گزشتہ روز کے بیان پر جس میں انہوں نے کہا ہے کہ اپوزیشن ترقیاتی منصوبوں میں رکاوٹیں ڈال رہی ہے حقیقت یہ ہے کہ اپوزیشن گزشتہ ڈھائی سال سے بلوچستان کے عوام کو ترقی دینے کیلئے احتجاج کررہی ہے۔
کوئٹہ: صوبائی وزیر داخلہ میر ضیاء اللہ لانگو نے کہا ہے کہ موجودہ صوبائی حکومت وزیر اعلیٰ بلوچستان جام کمال خان عالیانی کی قیادت میں اجتماعی ترقی کیلئے کوشاں ہے صوبے کے تمام اضلاع میں یکساں اور متوازن ترقی کیلئے اقدامات کیے جا رہے ہیں۔
پنجگور: بلوچستان نیشنل پارٹی کے مرکزی کمیٹی کے رکن حاجی زاہد بلوچ مرکزی جوائنٹ سکریٹری میر نذیراحمد بلوچ ضلعی صدر کفایت اللہ بلوچ میر نظام الدین حاجی افتخار بلوچ حنیف بلوچ علی جان بلوچ راشد لطیف بلوچ اور دیگر نے ایک پرہجوم پریس کانفرنس سے خطاب کرتے ہوئے کہا کہ پاکستان میں حکومت نام کی کوئی چیز موجود نہیں پی ڈی ایم کی تحریک کا یہی مقصد ہے اور پنجگور کی سطح پر بھی پی ڈی ایم کو فعال کرینگے تاکہ پنجگور کی سطح پر منظم انداز میں عوام کے حقوق کا تحفظ کرسکیں انہوں نے کہا کہ پنجگور میں بھی تاریکیوں کا راج ہے یہ پسماندہ علاقہ ہے اور یہاں کے لوگ بارڈر سے رزق کا حصول ممکن بناتے ہیں۔
کوئٹہ: بلوچستان سر مایہ کاری بورڈ کے چیف ایگزیکٹو فرمان زرکون نے کہا ہے کہ بلوچستان میں سرمایہ کاری کے مواقع اجاگر کرنے کیلئے ویب نارز کا سلسلہ کامیابی کیساتھ جاری ہے جس میں ٹیکنالوجی کے استعمال سے بلوچستان میں موجود سرمایہ کاری کی استعداد اور مواقع کو بین الاقوامی سطح پر اجاگر کرنے میں مدد مل رہی ہے، ایک بیان میں انہوں نے کہا کہ اس سلسلے کی اگلی ویب نار سلطنت اومان کے سرمایہ کاروں کیساتھ جلد منعقد ہوگی۔
کوئٹہ: انفارمیشن ٹیکنالوجی آفیسرز آفیشلز ایمپلائز ایسوسی ایشن بلوچستان کے صدر عبدالمالک کاکڑ نے کہا ہے کہ ڈائریکٹوریٹ جنرل آف انفارمیشن ٹیکنالوجی کو بلوچستان آئی ٹی بورڈ میں تبدیل کرنے کی کوشش کی جارہی ہے جس سے آئی ٹی ڈیپارٹمنٹ کے 610ملازمین کا مستقبل تباہ ہوجائیگا جس کی ایسوسی ایشن کسی بھی صورت اجازت نہیں دے گی۔
کوئٹہ: بلوچستان نیشنل پارٹی کے مرکزی ہیومن رائٹس سیکرٹری موسیٰ بلوچ،مرکزی کمیٹی کے ممبر غلام نبی مری نے کوئٹہ میں انجمن تاجران بلوچستان کے جنرل سیکرٹری حاجی اللہ داد ترین کے گھر جا کر ان کے فرزندان قدرت اللہ ترین،عمران اللہ ترین اور چچازاد بھائی عطاء محمد سے تعزیت اور فاتحہ خوانی کی اس موقع پر گفتگو کرتے ہوئے انہوں نے ممتاز تاجر حاجی اللہ داد ترین کے بہیمانہ کی مذمت کرتے ہوئے کہا کہ ان کی تاجر برادری کیلئے گراں قدر خدمات ہیں۔
کوئٹہ: جمعیت علمااسلام پاکستان کے مرکزی رہنما سنیٹر حضرت حافظ حمداللہ نے کہاہے کہ گلگت بلتستان کے انتخابات جس شرمناک اور جانبدارانہ انداز میں مکمل کیے گئے وہ جمہوریت اور جمہوری نظام کے ماتھے پر بدنما داغ ہے ناقص حکومتی کارکردگی و نااہلیت کی وجہ سے حکمران جماعت عوامی اعتمادکھو چکی ہیں فری اینڈ فیئر الیکشن ہوتا تو انہیں ایک سیٹ بھی نہ ملتی الیکشن کمیشن خودمختار نہیں۔
خضدار: جمعیت علمائے اسلام ضلع خضدار کا اجلاس زیر صدارت جے یوآئی کے ضلعی امیر مولانا قمرالدین منعقد ہوا۔ اجلاس میں جے یوآئی خضدار کے سرپرست مولانا عبدالکبیر مینگل، جنرل سیکریٹری مولانا عنایت اللہ رودینی،نائب امیر مفتی عبدالقادرشاہوانی،نائب امیر مولانا محمد اسحاق شاہوانی،ڈپٹی جنرل سیکریٹری جسٹس ریٹائرڈ میرعبدالقادر مینگل، ڈپٹی جنرل سیکریٹری وڈیرہ غلام سرور موسیانی،ڈپٹی جنرل سیکریٹری مولانا عبدالکریم متوکل،سالار مولانا غلام رسول مینگل،فنانس سیکریٹری مولانا سعیداحمد مولانا محمد ابراہیم ناظم اطلاعات مولانا بشیراحمد عثمانی،اور ناظم دفتر مولانا عبدالسلام شیخ نے شرکت کی۔
کوئٹہ: نیشنل پارٹی کے صوبائی خواتین سیکرٹری و سابق رکن بلوچستان اسمبلی ڈاکٹر شمع اسحاق بلوچ نے جاری بیان میں کہا ہے کہ سلیکٹڈڈ حکومت کی ترجیحات بلوچستان میں گڈ گورننس ہے ہی نہیں جو عوام کے ووٹ کے بجائے سلیکٹ ہوکر آتے ہیں تو ان کی ترجیحات عوام نہیں بلکہ کچھ اور ہوتی ہے کیچ کے اساتذہ کو بلاجواز برطرف کرنا سلیکٹڈڈ حکومت کی تعلیم سے متعلق ترجیحات کو ظاہر کرتا ہے۔