دالبندین : دالبندین لیویز فورس نے سینکڑوں بوریاں چینی اور یوریا کھاد کی اسمگلنگ ناکام بنا دیا لیویز ذرائع کے مطابق دالبندین کیو آر ایف ٹیم نے یک مچ کے مقام پر آر سی ڈی شاہراہ پر چیکنگ کے دوران تین کنٹینرز پر مشتعمل سینکڑوں بوریاچینی اور یوریاکھاد بغیر دستاویزات کے نوکنڈی لے جارہے تھے نوکنڈی سے براستہ پاک افغان سرحد سے افغانستان اسمگل کی کوشش کو ناکام بنا دیا ۔
کوئٹہ: سیکرٹری صحت بلوچستان اسفند یار خان نے جمعہ کو کارڈیک سرجری وارڈ سول ہسپتال کوئٹہ کا دورہ کیا۔جہاں انہوں نے بائی پاس سرجری کے مریض کی عیادت اوربائی پاس سرجری کرنے والے ڈاکٹرز اور طبی عملے سے ملاقات بھی کی۔
کوئٹہ: میئر تربت بلغ شیر نے کہا ہے کہ عوام کے منتخب لوکل باڈیز کے نمائندوں کو انکے اختیارات دئے جائیں تاکہ وہ اپنے عوام کی بنیادی ضروریات سمیت دیگر تر قیا تی سر گر میوں میں اپنا کر دا ر نبھا سکیں، بلو چستان کے سیلاب متاثرین کے لئے 30ارب روپے مقامی حکومتوں کے حوالے کئے جائیں، اگر 15جون تک مطالبات پر پیش رفت نہیں ہوئی تو بلو چستان بھر میں ہرقسم کی بلدیاتی سر گرمیاں بند کردیں گے۔
کوئٹہ: بلوچستان بار کونسل کے جاری ایک بیان میں انسان حقوق کے لئے کام کرنے والے کراچی کے وکیل جبران ناصر کو لاپتہ کرنے کی شدید الفاظ میں مذمت کرتے ہوئے کہا کہ موجودہ دور حکومت میں بھی لوگوں کو جبری طور پر لاپتہ کرنے کا سلسلہ ختم نہیں ہوا ۔
کوئٹہ : پاکستان تحریک انصاف بلوچستان کے سینئر نائب صدر اور سابق ٹکٹ ہولڈر پی بی 11 نصیرآباد میر شوکت علی بنگلزئی، پی ٹی آئی لیبر ونگ کے صوبائی جنرل سیکرٹری حاجی شیر احمد کھیازئی سمیت دیگر کارکنان و عہدیداران کے ہمراہ میڈیا کے نمائندوں سے بات چیت کرتے ہوئے ہوئے پی ٹی آئی کے صوبائی عہدے سے استعفیٰ اور پارٹی سے علیحدگی کا اعلان کر دیا 9 مئی کا واقعہ انتہائی افسوس ناک واقعہ ہے جس کی شدید الفاظ میں مذمت کرتے ہیں۔
خاران: کمشنر رخشان ڈویژن طارق الرحمٰن کی زیر صدارت ڈویژنل سطح پر جنرل سیکورٹی کانفرنس کا انعقاد ہوا۔
کوئٹہ: وفاقی اداروں کو چاہئے کہ وہ تاجر برادری کے قانونی تجارت کے کام میں رکاوٹ ڈالنے کے بجائے انکی سہولت کاری کریں۔ تاکہ بلوچستان میں ان کہ کاروبار پھلے پھولے، غربت کو کم کرنے میں مدد مل سکے اور ملک کی زرمبادلہ میں اضافہ ہو۔
مستونگ: لیویز انتظامیہ دشت کے ہاتھوں موٹرسائیکل کی ون ویلنگ اور ریس لگانے والوں کی شامت سبی قومی شاہراہ پر مختلف مقامات پر ناکے لگا کر سخت چیکنگ عوامی حلقوں کی جانب سے خیرمقدم، چیکنگ مزید سخت کرنے کا مطالبہ۔
کوئٹہ: ایپکا کے مرکزی صدر چوہدری خالد جاوید سھنگیڑا کی کال پر مہنگائی کے تناسب سے تنخواہوں میں اضافہ اور تمام ملازمین کو یکسان مراعات دینے اور ملازمین کے تنخواہوں میں تفریق ختم کرنے کی مطالبے پر عملدر آمد کیلے جمعہ کو بلوچستان کے بیشتر اضلاع کے ہیڈ کوارٹر کے پریس کلبز کے سامنے ایپکا کے ورکرز نے احتجاجی مظاہرے کئے گئے۔
کوئٹہ : مشیر اطلاعات حاجی مٹھا خان کاکڑ نے کہا ہے کہ پاک ایران دوطرفہ تعلقات کومزید مستحکم بنانے کیلیے ثقافتی، صحافتی اور حکومتی سطح پر وفود کے تبادلے ناگریز ہیں، مکران کو بجلی کی فراہمی پر ایران حکومت کے شکر گزارہے۔